- હવે તમે ઘરે જ સરળતાપૂર્વક કોરોના ટેસ્ટ કરાવી શકશો
- ICMRએ હવે પેનબાયો નામની હોમ બેઝ્ડ કોરોના ટેસ્ટિંગ કિટને આપી મંજૂરી
- આ એક હોમ રેપિડ એન્ટિજન ટેસ્ટિંગ કિટ છે
નવી દિલ્હી: કોરોના મહામારી વચ્ચે હવે તમે ઘરે જ કોરોના ટેસ્ટ કરાવી શકશો. ICMRએ હવે પેનબાયો નામની હોમ બેઝ્ડ કોરોના ટેસ્ટિંગ કિટને મંજૂરી આપી દીધી છે. આ એક હોમ રેપિડ એન્ટિજન ટેસ્ટિંગ કિટ છે.
કોરોનાના હળવા લક્ષણો ધરાવતા અથવા સંક્રમિત વ્યક્તિઓના સંપર્કમાં આવનારા લોકો આ કિટનો ઉપયોગ કરી શકશે. ICMRએ કોવિડના હોમ બેઝ્ડ ટેસ્ટિંગ કિટને મંજૂરી આપ્યા બાદ હવે ટેસ્ટ ખૂબ જ સરળતાપૂર્વક થઇ શકશે.
અગાઉ ICMRએ કોવિસેલ્ફ હોમ ટેસ્ટિંગ કિટને મંજૂરી આપી હતી. જેનાથી કોઇપણ ઘરે બેઠા કોરોના ટેસ્ટ કરાવી શકતું હતું. આ ટેસ્ટિંગ કિટનો ભાવ 250 રૂપિયા નિર્ધારિત કરાયો છે. આ કિટથી માત્ર 2 મિનિટમાં ટેસ્ટ કરી શકાશે અને પરિણામ 15 મિનિટમાં આવી જશે.
નોંધનીય છે કે, આ સમયે કોરોના માટે એન્ટિજન તેમજ RT-PCR ટેસ્ટ કરી શકાય છે. એન્ટિજનનો રિપોર્ટ તાત્કાલીક મળે છે પણ RT-PCR ટેસ્ટનો રિપોર્ટ 24 કલાકમાં કરવામાં આવે છે. પરંતુ હવે કોરોના ટેસ્ટિંગ માટે આવેલી હોમ બેઝ્ડ કિટથી સરળતાપૂર્વક અને ઝડપી રિપોર્ટ મળશે.
