- પેટ્રોલ-ડીઝલના વધતા ભાવ વચ્ચે હવે બાયો-ફ્યુલ આધારિત વાહનો દોડશે
- આગામી ત્રણ અને ચાર મહિનામાં બાયો-ફ્યુલ પર ચાલતા વાહનો માટે આદેશ જાહેર કરાશે: નીતિન ગડકરી
- ગ્રીન એન્જિન સમાધાન પર ભાર આપવાથી નાગરિકોને પેટ્રોલના વધારાની કિંમતોમાંથી થોડી રાહત મળશે
નવી દિલ્હી: પેટ્રોલ અને ડીઝલના સતત વધતા ભાવ વચ્ચે હવે સરકાર બાયો-ફ્યુલ પર આધારિત વાહનોને લઇને બ્લૂપ્રિન્ટ તૈયાર કરી રહી છે. આ અંગે કેન્દ્રીય માર્ગ પરિવહન મંત્રી નીતિન ગડકરીએ એલાન કર્યું છે કે, આગામી ત્રણ અને ચાર મહિનામાં બાયો-ફ્યુલ પર ચાલતા વાહનો માટે આદેશ જાહેર કરશે.
ઘણા સમયથી કેન્દ્રીય માર્ગ પરિવહન મંત્રી ભારતીય પરિવહન ક્ષેત્ર માટે બાયો-ફ્યુલ આધારિત વાહનો પર ભાર આપી રહ્યાં છે.
ગડકરીએ કહ્યું હતું કે, દેશમાં ટૂંક સમયમાં જ ફ્લેક્સ-ફ્યુલ એન્જિન દ્વારા એક નીતિ નક્કી કરવામાં આવશે. એક રિપોર્ટ અનુસાર ગડકરીએ જણાવ્યું હતું કે, આગામી 3 થી 4 મહિનામાં, હું એક આદેશ જાહેર કરીશ, જેમાં દરેક વાહન નિર્માતાઓ માટે ફ્લેક્સ એન્જિન વાળા વાહનોને બનાવવું જરૂરી રહેશે.
આ પહેલી વખત નથી કે હવે ગડકરીએ વાહનોમાં ફ્લેક્સ-ફ્યુલ એન્જિનનો ઉપયોગ કરવા માટે ભલામણ કરી છે. આ પહેલા તેમણે ભારતીય ઓટો ઉદ્યોગની હસ્તિઓ પાસેથી વાહનોમાં ફ્લેક્સ-ફ્યુલ એન્જિન લોન્ચ કરવા પર ભાર પુર્વક અપિલ કરી હતી.
ભારત પોતાના સાર્વજનિક પરિવહનમાં બાયો-સીએનજી, ઇથેનોલ, મીથેનોલ, ઇલેક્ટ્રિક અને ગ્રીન હાઇડ્રોજન જેવા ગ્રીન એન્જિનમાં સ્થાનાંતરિત કરી રહ્યું છે. ગડકરીએ દાવો કર્યો છે કે ગ્રીન એન્જિન સમાધાન પર ભાર આપવાથી નાગરિકોને પેટ્રોલના વધારાની કિંમતોમાંથી થોડી રાહત મળશે.
