નવી દિલ્હી, 13 ઓક્ટોબર 2026: દિલ્હીમાં વિરોધ પ્રદર્શનોની પદ્ધતિ અંગે ‘સ્ટાન્ડર્ડ ઓપરેટિંગ પ્રોસિજર’ (SOP)ના અમલીકરણની માંગ કરતી એક અરજી દાખલ કરવામાં આવી છે.
કાર્યકારી મુખ્ય ન્યાયાધીશ નિતિન વાસુદેવ સામ્બ્રેના અધ્યક્ષપદ હેઠળની બેંચ સમક્ષ વરિષ્ઠ વકીલ સંજય પોદ્દારે આ બાબતનો ઉલ્લેખ કર્યો હતો. દરમિયાન, એડિશનલ સોલિસિટર જનરલ ચેતન શર્માએ કોર્ટને જાણ કરી હતી કે સુપ્રીમ કોર્ટ સમક્ષ પણ આ પ્રકારનો જ એક મામલો પેન્ડિંગ છે.
વિરોધ પ્રદર્શનો એવી રીતે કરવા જોઈએ કે જેથી કોઈના કામ પર અસર ન પડે
જોકે, બેન્ચે જણાવ્યું હતું કે આ અરજીની સુનાવણી જંતર-મંતર સંબંધિત અન્ય બાબતોની સાથે કરવામાં આવશે. અરજીમાં જણાવવામાં આવ્યું છે કે તાજેતરના સમયમાં થયેલા વિરોધ પ્રદર્શનોને કારણે વેપારીઓને અંદાજે 2000 કરોડનું નુકસાન થયું છે.
આ અરજીમાં SOP અને સુપ્રીમ કોર્ટના ચુકાદાનો અમલ કરવા માટે નિર્દેશની માંગ કરવામાં આવી હતી, જેથી નિર્ધારિત સ્થળોએ વિરોધ પ્રદર્શનો વ્યવસ્થિત રીતે યોજી શકાય. તેમાં વધુમાં જણાવાયું હતું કે વિરોધ પ્રદર્શનો એવી રીતે યોજવા જોઈએ કે જેથી વેપારીઓ સહિત અન્ય લોકોના કામકાજમાં કોઈ અવરોધ ન આવે.
ના અમલીકરણની માંગ કરતી એક અરજી દાખલ કરવામાં આવી છે.){kind=link}