પીએમ મોદીએ ફ્રાંસના રાષ્ટ્રપતિ ઈમેન્યુઅલ મેક્રોં સાથે ટેલિફોન પર કરી વાતચીત,અફઘાનિસ્તાન સહિતના પ્રાદેશિક મુદ્દાઓ પર ચર્ચા
- પીએમ મોદીએ ફ્રાંસના રાષ્ટ્રપતિ સાથે વાતચીત કરી
- ઈમેન્યુઅલ મેક્રોં સાથે ટેલિફોન પર કરી વાતચીત
- અફઘાનિસ્તાન સહિતના પ્રાદેશિક મુદ્દાઓ પર ચર્ચા
દિલ્હી:વડાપ્રધાન નરેન્દ્ર મોદીએ ફ્રાંસના રાષ્ટ્રપતિ ઈમેન્યુઅલ મેક્રોં સાથે ટેલિફોન પર વાત કરી હતી.બંને નેતાઓએ અફઘાનિસ્તાનના હાલના ઘટનાક્રમ સહિતના પ્રાદેશિક મુદ્દાઓ પર ચર્ચા કરી હતી.
આ સંદર્ભમાં,તેમણે આતંકવાદ, નશીલા પદાર્થો, ગેરકાયદે હથિયારો અને માનવ તસ્કરીના સંભવિત પ્રસાર સાથે સાથે માનવાધિકારો, મહિલાઓ અને લઘુમતીઓના અધિકારોને સુનિશ્ચિત કરવાની આવશ્યકતાઓ વિશે પોતાની ચિંતાઓ વ્યક્ત કરી હતી.
તેમણે ભારત-પ્રશાંત ક્ષેત્રમાં વધતા દ્વિપક્ષીય સહયોગ અને આ ક્ષેત્રમાં સ્થિરતા અને સુરક્ષાને પ્રોત્સાહન આપવામાં ભારત-ફ્રાંસ સહભાગિતાની અગત્યની ભૂમિકાની સમીક્ષા કરી.
નેતાઓએ ભારત-ફ્રાંસની વ્યૂહાત્મક ભાગીદારીની ભાવનાથી ઘનિષ્ઠ અને નિયમિત પરામર્શ જારી રાખવા અંગે સહમતિ વ્યક્ત કરી, જેને બંને દેશ ઊંડાણપૂર્વક વ્યક્ત કરતા રહે છે.
