PM મોદી સમાવેશી વિકાસ પર અભિયાન શરૂ કરશે,વેબસાઇટ અને સ્માર્ટફોન એપ પણ કરશે લોન્ચ
- PM મોદી સમાવેશી વિકાસ પર અભિયાન શરૂ કરશે
- વેબસાઇટ અને સ્માર્ટફોન એપ પણ કરશે લોન્ચ
દિલ્હી : વડાપ્રધાન નરેન્દ્ર મોદી સોમવારે સમાવેશી વિકાસ પર નવ અભિયાનો શરૂ કરશે. તે ‘સમાવેશી વિકાસ’ પર એક વેબસાઇટ અને સ્માર્ટફોન એપ્લિકેશન પણ લોન્ચ કરશે. ગ્રામીણ વિકાસ મંત્રાલયે એક નિવેદન જારી કરીને કહ્યું કે સોમવારે રાષ્ટ્રીય પંચાયતી રાજ દિવસના અવસરે આ અભિયાનો મધ્યપ્રદેશના રીવા ખાતે શરૂ કરવામાં આવશે.
નિવેદન અનુસાર, સમાવેશી વિકાસ પર આધારિત નવ અભિયાનોમાંથી પાંચ અભિયાનો ગ્રામીણ વિકાસ મંત્રાલયના છે, જેમાં પ્રધાનમંત્રી આવાસ યોજના-ગ્રામીણ (PMAY-G) હેઠળ સર્વગ્રાહી આવાસ પૂરા પાડવાનો,જિલ્લા સ્તરે નાણાકીય સાક્ષરતા પ્રદાન કરવી, ગ્રામ પંચાયત કક્ષાએ નાણાકીય સાક્ષરતા પ્રદાન કરવી,મહાત્મા ગાંધી રાષ્ટ્રીય ગ્રામીણ રોજગાર ગેરંટી અધિનિયમ (મનરેગા) હેઠળ ડિજિટલ વ્યવહારોને પ્રોત્સાહન આપવા, સ્વસહાય જૂથ (SHG) નેટવર્કમાં લાયક ગ્રામીણ મહિલાઓનો સમાવેશ અને નદી કિનારે રોપાઓનું વાવેતર વગેરે અભિયાન સામેલ છે.
નિવેદન અનુસાર, વડાપ્રધાન મોદી સ્વાસ્થ્ય મહિલા-સમૃદ્ધિ સમાજ (SMSS) અભિયાન, મહત્વાકાંક્ષી જિલ્લાઓમાં પશુધન જાગૃતિ અભિયાન સઘન જાગૃતિ અભિયાન, સ્વામી મેરી સંપત્તિ, મેરા હક અભિયાન અને પ્રાકૃતિક ખેતી અભિયાનની સાથે SHG મહિલા અભિયાન સહિત અન્યનો પણ પ્રારંભ કરશે.
ગ્રામીણ વિકાસ મંત્રાલયે જણાવ્યું હતું કે સર્વસમાવેશક વિકાસની થીમ હેઠળ, ઝુંબેશની પસંદગી તેમની ઉચ્ચ અસર અને ઉચ્ચ લોકોની ભાગીદારીની સંભાવના પર આધારિત છે. મંત્રાલયે જણાવ્યું કે આ અભિયાનોની પ્રગતિ પર નજર રાખવા અને તેની અસરનું મૂલ્યાંકન કરવા માટે એક વેબસાઈટ તૈયાર કરવામાં આવી છે, જે સોમવારે વડાપ્રધાન દ્વારા લોન્ચ કરવામાં આવશે.
