વારાણસીમાં પીએમ મોદીનો ભવ્ય રોડ-શો, માનવ મેદની ઉમટી
લખનૌઃ દેશમાં હાલ લોકસભાની ચૂંટણીનો માહોલ જામ્યો છે અને આજે ચોથા તબક્કાનું મતદાન યોજાઈ રહ્યું હતું. દરમિયાન વડાપ્રધાન નરેન્દ્ર મોદી પોતાના લોકસભા બેઠક વારાણસી પહોંચ્યાં હતા. અહીં તેમણે વિશાળ રોડ-શો યોજ્યો હતો. મોટી સંખ્યામાં લોકો રોડ-શોમાં ઉમડી પજ્યાં હતા. બીએચયુ ગેટ પર મદન મોહન માલવીયાની પ્રતિમાનું માલ્યાર્પણ કર્યું હતું.
વડાપ્રધાન નરેન્દ્ર મોદીના સ્વાગત માટે બનાવવામાં આવેલા મંચ ઉપર મોટી ચડી ગયા હતા અને હર-હર મોદીના સુત્રોચ્ચાર કર્યાં હતા. રોડ શો દરમિયાન પીએમ મોદી સાથે મુખ્યમંત્રી યોગી આદિત્યનાથ પણ જોડાયાં હતા. વડાપ્રધાન નરેન્દ્ર મોદીની સાથે યોગીએ પણ મોટી સંખ્યામાં ઉમટી પડેલા લોકોનું હાથ જોડીને અભિવાદન કર્યું હતું. મોદીના સ્વાગત માટે કાશી જ નહીં આસપાસના મુખ્ય શહેરોમાં સંત સમાજના લોકો ઉમટી પડ્યાં હતા. રોડ-શોમાં માર્ગની બંને તરફ મોટી સંખ્યામાં લોકો ઉમટી પડ્યાં હતા.
શહેનાઈ, શંખનાદ, ડમરુ દળ સાથે સ્થાનિઓ અને રાજકીય આગેવાનોએ વડાપ્રધાન મોદીનું સ્વાગત કર્યું હતું. સમગ્ર રૂટ પર કેસરી રંગના ફુગ્ગા પણ લગાવવામાં આવ્યા હતા.
