રાજકોટઃ ટ્રેનમાં પ્રવાસીઓ ઓછા મસયમાં ગંતવ્ય સ્થાને પહોંચી શકે તે માટે પશ્ચિમ રેલવે દ્વારા ટ્રેન નંબર 19202/19201 પોરબંદર-સિકંદરાબાદ સાપ્તાહિક એક્સપ્રેસ ટ્રેનની સ્પીડ વધારીને એક્સપ્રેસથી સુપરફાસ્ટ એક્સપ્રેસમાં બદલવાનો તેમ જ તેના આવવા-જવાના સમયમાં ફેરફાર કરવાનો નિર્ણય લેવામાં આવ્યો છે. સુપરફાસ્ટ એક્સપ્રેસ થવાથી ટ્રેનના નંબરોમાં પણ ફેરફાર થશે.
પશ્વિમ રેલવેના સૂત્રોના જણાવ્યા મુજબ ટ્રેન નંબર 19201 સિકંદરાબાદ-પોરબંદર એક્સપ્રેસ 19-07-2023થી અને ટ્રેન નંબર 19202 પોરબંદર-સિકંદરાબાદ એક્સપ્રેસ 25-07-2023 તારીખથી સુપરફાસ્ટ ચાલશે. આ ટ્રેન દર મંગળવારે પોરબંદરથી 00:55 વાગ્યાનને બદલે 01:00 વાગ્યે પ્રસ્થાન કરશે અને બુધવારે 08:00 વાગ્યાને બદલે 7:40 વાગ્યે સિકંદરાબાદ પહોંચશે. પરત આવતા આ ટ્રેન દર બુધવારે સિકંદરાબાદથી 15:00 વાગ્યાને બદલે 15:10 વાગ્યે પ્રસ્થાન કરશે અને ગુરુવારે 22:05 વાગ્યેને બદલે 21:50 વાગ્યે પોરબંદર પહોંચશે. આ ટ્રેન સુપરફાસ્ટ થવાથી ટ્રેન નંબરમાં પણ ફેરફાર કરવામાં આવશે. 12-09-2023 વાગ્યાથી ટ્રેન નંબર 19202 પોરબંદર-સિકંદરાબાદનો નંબર બદલી 20968 અને 13-09-2023થી ટ્રેન નંબર 19201 સિકંદરાબાદ-પોરબંદરનો નંબર બદલાઇને 20967 થઇ જશે. ઉલ્લેખનીય છે કે, ટ્રેનને સુપરફાસ્ટમાં ફેરફાર કર્યા પછી ભાડાનું અંતર મુસાફરો પાસેથી વસૂલ કરવામાં આવશે.
દરમિયાન પશ્વિમ રેલવેની યાદીમાં જણાવ્યા મુજબ ઉધના-સુરત સેક્શન વચ્ચેના બ્રિજ નંબર 445 અને કરંબેલી-વાપી સેક્શનમાં બ્રિજ નંબર 275 માટે, જિયો સેલ દ્વારા બ્રિજના એપ્રોચને મજબૂત કરવા માટે બ્લોક લેવામાં આવશે. આ બ્લોક આજે મંગળવાર, 16મી મે, 2023ના રોજ બ્રિજ નંબર 445 માટે 12:10 કલાકથી 16:40 કલાક સુધી અને બ્રિજ નંબર 275 માટે 13:10 કલાકથી 17:40 કલાક સુધી લેવામાં આવ્યો છે. તેવી જ રીતે, આવતી કાલે બુધવાર, 17 મે, 2023ના રોજ, બ્રિજ નંબર 275 માટે ડાઉન લાઇન પર 09:10 કલાકથી 13:40 કલાક સુધી અને બ્રિજ નંબર 445 માટે 10:50 કલાકથી 15:20 કલાક સુધી બ્લોક લેવામાં આવશે. આ બ્લોકના કારણે પશ્ચિમ રેલવેની કેટલીક ટ્રેનોને નિયમન કરવામાં આવશે અને ટૂંકી અવરજવર કરવામાં આવશે.
