વિદેશમાં ફરી વાગ્યો પ્રિયંકા ચોપડાનો ડંકો,આ મામલામાં તેને કાઈલી-સેલેનાને આપી મ્હાત
મુંબઈ:પ્રિયંકા ચોપડાએ બોલીવૂડ ઇન્ડસ્ટ્રીને કેટલીક સુપરહીટ ફિલ્મો આપી છે.આ સાથે એક્ટ્રેસ હોલીવૂડ ઇન્ડસ્ટ્રીમાં ધમાલ મચાવતી ગ્લોબલ આઇકોન બની ચુકી છે. એક્ટિંગની સાથે પ્રિયંકાએ સીંગીગમાં પણ પોતાનો હાથ અજમાવ્યો.આ સિવાય તે એક લેખક અને સકસેસફૂલ બિઝનેસવુમેન પણ છે.
રિહાન્નાની કોસ્મેટિક પ્રોડક્ટ ‘રિહાન્ના ફેન્ટી બ્યૂટી’ એ 477.2 મિલિયન પાઉન્ડ સાથે 2023ની સૌથી ધનિક સેલિબ્રિટી બ્યુટી બ્રાન્ડ્સની Cosmetifyની યાદીમાં ટોચનું સ્થાન મેળવ્યું છે. તે જ સમયે, પ્રિયંકા ચોપરા તેની હેર કેર બ્રાન્ડ માટે 429.9 મિલિયન પાઉન્ડ સાથે આ યાદીમાં બીજા સ્થાને છે. આ યાદીમાં ત્રીજા નંબરે કાઈલી જેનર છે, જેની કોસ્મેટિક બ્રાન્ડની આવક 301.4 મિલિયન પાઉન્ડ છે.
એરિયાના ગ્રાન્ડેની બ્યુટી બ્રાન્ડ 70.3 મિલિયન પાઉન્ડ સાથે ચોથા નંબરે છે. સેલેના ગોમેઝની રેયર બ્યુટીએ 50.2 મિલિયન પાઉન્ડ આવક સાથે યાદીમાં પાંચમું સ્થાન મેળવ્યું છે. નોંધનીય છે કે પ્રિયંકાની હેર કેર બ્રાન્ડની શરૂઆત વર્ષ 2022માં થઈ હતી. બિઝનેસમાં સાહસ કરવા વિશે બોલતા, દેશી ગર્લએ એક આંતરરાષ્ટ્રીય મેગેઝિનને કહ્યું, ‘મેં તાજેતરમાં જ બ્યુટી અને એન્ટરટેઈનમેન્ટ ઇન્ડસ્ટ્રીઝ બંનેમાં બિઝનેસ સાઇડમાં મારો હાથ અજમાવ્યો છે.’
વર્ક ફ્રન્ટની વાત કરીએ તો તાજેતરમાં જ પ્રિયંકા ચોપરાની આગામી વેબ સિરીઝ ‘સિટાડેલ’નું બીજું ટ્રેલર રિલીઝ કરવામાં આવ્યું છે. ટ્રેલરમાં પ્રિયંકા બોલ્ડ એક્શન કરતી જોવા મળી રહી છે, જેને જોઈને ચાહકોનો ‘સિટાડેલ’ પ્રત્યેનો ઉત્સાહ વધુ વધી ગયો છે.
નોંધનીય છે કે ‘સિટાડેલ’ એમેઝોન પ્રાઇમ વિડિયો પર 28 એપ્રિલે પ્રીમિયર થશે, જેમાં દર શુક્રવારે નવા એપિસોડ રજૂ કરવામાં આવશે. આ શ્રેણીમાં રિચર્ડ મેડેન અને પ્રિયંકા ચોપરા જોનસ છે જે એજન્ટ મેસન કેન અને નાદિયા સિંહ તરીકે કામ કરે છે. રુસો બ્રધર્સ દ્વારા નિર્દેશિત, ‘સિટાડેલ’ એક જાસૂસી થ્રિલર સિરીઝ છે જે પ્રિયંકા ચોપરા અને રિચર્ડ મેડનની આસપાસ ફરે છે.
