દિલ્હી: ચીનના હાંગઝોઉ શહેરમાં આયોજિત 19 માં એશિયન ગેમ્સમાં આ વખતે ભારતનું અત્યાર સુધીનું સર્વશ્રેષ્ઠ પ્રદર્શન જોવા મળ્યું હતું. આ એશિયન ગેમ્સમાં કુલ 655 એથ્લેટ ચીન પહોંચ્યા હતા, ત્યારબાદ તે 107 મેડલ જીતવામાં સફળ રહ્યા હતા. એશિયન ગેમ્સમાં ભારતનું અત્યાર સુધીનું આ સર્વશ્રેષ્ઠ પ્રદર્શન રહ્યું છે. ઘણા ખેલાડીઓ 2024માં પેરિસમાં યોજાનારી ઓલિમ્પિક ગેમ્સ માટે પણ સીધા ક્વોલિફાય થયા છે.ભારતે અગાઉ જકાર્તામાં યોજાયેલી એશિયન ગેમ્સ 2018માં કુલ 70 મેડલ જીત્યા હતા. આ ઐતિહાસિક પ્રદર્શનની ઉજવણી કરવા માટે યુનેસ્કોની વર્લ્ડ હેરિટેજ સાઇટમાં સમાવિષ્ટ દિલ્હી સ્થિત કુતુબ મિનારને ત્રિરંગાના રંગમાં રોશની કરવામાં આવ્યો હતો.
એશિયન ગેમ્સમાં ભારતીય ખેલાડીઓની ઐતિહાસિક સફળતા પર સૌને અભિનંદન આપવાની સાથે કેન્દ્રીય ખેલ મંત્રી અનુરાગ ઠાકુરે પણ તિરંગામાં ઝળહળેલા કુતુબ મિનારનો સુંદર વીડિયો સોશિયલ મીડિયા પર પોસ્ટ કર્યો હતો. રમતગમત મંત્રીએ પોતાની પોસ્ટમાં લખ્યું છે કે ગૌરવની તેજસ્વી રાત! કુતુબ મિનાર ભારતના જીવંત રંગોમાં ઝળહળી રહ્યો છે,ચીની મેદાન પર એશિયન ગેમ્સમાં અમારી અવિશ્વસનીય ત્રણ અંકોની જીત પર ઉજવણી કરવામાં આવી રહી છે. એશિયન ગેમ્સના 72 વર્ષના ઈતિહાસમાં ભારતે આવું પ્રદર્શન ક્યારેય નથી આપ્યું જે આ વખતે જોવા મળ્યું.
A Radiant Night of Pride!
Qutub Minar ablaze in Bharat's vibrant hues, celebrating our incredible three-digit triumph at the Asian Games on Chinese turf. Never in the 72 years of the Asian Games history has Bharat performed like it did this year. An extraordinary odyssey of… pic.twitter.com/s0RLP01AkF
— Anurag Thakur (@ianuragthakur) October 9, 2023
ભારતીય ખેલાડીઓના શાનદાર પ્રદર્શન બાદ 10 ઓક્ટોબરે વડાપ્રધાન નરેન્દ્ર મોદી સાંજે 4:30 વાગ્યે દિલ્હીના મેજર ધ્યાનચંદ નેશનલ સ્ટેડિયમ ખાતે ચીનથી પરત ફરી રહેલા ભારતીય દળને પણ મળશે. વડાપ્રધાન કાર્યાલય દ્વારા જાહેર કરવામાં આવેલી માહિતી અનુસાર, ભારતીય ટુકડીમાં સામેલ તમામ ખેલાડીઓ સિવાય તેમના કોચ અને ભારતીય ઓલિમ્પિક સંઘના અધિકારીઓ પણ ત્યાં હાજર રહેશે.આ વખતે એશિયન ગેમ્સમાં ભારતે 28 ગોલ્ડ, 38 સિલ્વર અને 41 બ્રોન્ઝ મેડલ જીત્યા છે. ભારતનું શ્રેષ્ઠ પ્રદર્શન વિવિધ શૂટિંગ ઈવેન્ટ્સમાં જોવા મળ્યું હતું જેમાં દેશે સૌથી વધુ મેડલ જીત્યા હતા.
