માત્ર 8 વર્ષની ઉંમરે બન્યા AI સમિટના કીનોટ સ્પીકર, જાણો કોણ છે રણવીર સચદેવા
નવી દિલ્હી, 19 ફેબ્રુઆરી, 2026 – Ranveer Sachdeva એક તરફ ઇન્ડિયા AI ઇમ્પેક્ટ સમિટ-2026માં દુનિયાના ટેકનોલોજી નિષ્ણાતો ઉમટી પડ્યા છે અને સમિટ દુનિયાનું ધ્યાન ખેંચી રહી છે તેવા સમયે આઠ વર્ષના એક બાળકે સૌનું ધ્યાન ખેંચ્યું છે. રણવીર સચદેવા નામનો આઠ વર્ષનો આ બાળક એઆઈ સમિટમાં એક સેશનના મુખ્ય વક્તા તરીકે આવ્યો છે. સમાચાર એજન્સી એએનઆઈને આપેલી ટૂંકી મુલાકાતમાં રણવીરે પોતે કોણ છે અને શા માટે અહીં આવ્યો છે તેના વિશે વિશ્વાસપૂર્વક વાત કરી હતી. આટલી નાની ઉંમરે રણવીરે આ પ્રતિષ્ઠિત સમિટમાં કીનોટ સ્પીકર (મુખ્ય વક્તા) તરીકે સંબોધન કરીને એક નવો વિક્રમ સ્થાપિત કર્યો છે.
કોણ છે રણવીર સચદેવા?
રણવીર સચદેવા દિલ્હીનો રહેવાસી છે અને તેને ‘AI પ્રોડિજી’ (AI પ્રતિભા) તરીકે ઓળખવામાં આવે છે. જ્યારે તેની ઉંમરના બાળકો રમતગમતમાં વ્યસ્ત હોય છે, ત્યારે રણવીર કોડિંગ અને આર્ટિફિશિયલ ઇન્ટેલિજન્સના અટપટા અલ્ગોરિધમ્સ પર કામ કરે છે. તે અત્યાર સુધીમાં અનેક AI એપ્લિકેશન્સ ડેવલપ કરી ચૂક્યો છે, જે સામાજિક સમસ્યાઓના ઉકેલ માટે બનાવવામાં આવી છે.
#WATCH | Delhi: At #IndiaAIImpactSummit2026, Ranvir Sachdeva, Child Prodigy, Technologist, Global Author says, “I’m here as the youngest keynote speaker at the India AI Impact Summit. I’m talking about how I’m linking ancient Indian philosophies to modern-day technologies. I’m… pic.twitter.com/e3OGgtxyDK
— ANI (@ANI) February 19, 2026
સમિટમાં આપ્યું પ્રભાવશાળી ભાષણ
ભારત મંડપમ ખાતે આયોજિત આ સમિટમાં રણવીરે જણાવ્યું હતું કે, AI એ માત્ર ટેકનોલોજી નથી, પરંતુ ભવિષ્યની ભાષા છે. તેણે પોતાના સંબોધનમાં ‘હ્યુમન-સેન્ટ્રિક AI’ (માનવ-કેન્દ્રીય AI) પર ભાર મૂક્યો હતો. તેણે કહ્યું કે કેવી રીતે AIનો ઉપયોગ કરીને શિક્ષણને વધુ સરળ અને રસપ્રદ બનાવી શકાય છે. તેના આ આત્મવિશ્વાસભર્યા સંબોધનને જોઈને ત્યાં હાજર ટેક નિષ્ણાતો અને વિદેશી પ્રતિનિધિઓ પણ દંગ રહી ગયા હતા.
રણવીરની આ સફર 5 વર્ષની ઉંમરે શરૂ થઈ હતી જ્યારે તેણે પ્રથમ વખત કોડિંગ શીખવાનું શરૂ કર્યું હતું. તેણે એક એવું AI મોડલ પણ તૈયાર કર્યું છે જે દૃષ્ટિહીન લોકોને રસ્તો ઓળખવામાં મદદ કરી શકે છે. તેની આ અસાધારણ પ્રતિભાને કારણે જ તેને આ વર્ષની ‘India AI Impact Summit’માં વક્તા તરીકે આમંત્રિત કરવામાં આવ્યો હતો.
વડાપ્રધાન નરેન્દ્ર મોદીએ પણ એક્સ્પો દરમિયાન રણવીર જેવા યુવા સંશોધકોની પ્રશંસા કરી હતી અને કહ્યું હતું કે ભારતની યુવા શક્તિ જ દેશને AI ક્ષેત્રે વૈશ્વિક લીડર બનાવશે.
આ પણ વાંચોઃ લોકસભા અધ્યક્ષ ઓમ બિરલાનો AI વીડિયો બનાવનાર સંસદસભ્યોને નોટિસ જારી, જાણો શું છે મામલો?
