નવી દિલ્હી, 30 ઓગસ્ટ 2026: રાષ્ટ્રીય સ્વયંસેવક સંઘના વડા મોહન ભાગવતે જણાવ્યું છે કે મુસ્લિમોને ભારતના હિસ્સા તરીકે ન ગણવાની માનસિકતા હિંદુત્વની ભાવનાની વિરુદ્ધ છે.
ન્યૂયોર્કમાં ‘વન વર્લ્ડ, વન હ્યુમેનિટી’ (એક વિશ્વ, એક માનવતા) પરિષદને સંબોધતા ભાગવતે જણાવ્યું હતું કે હિન્દુત્વ દરેક વ્યક્તિના ગૌરવ અને ધાર્મિક વિવિધતામાં વિશ્વાસ રાખે છે. તેમણે કહ્યું કે તમામ મનુષ્યો સમાન છે અને સત્યને પ્રાપ્ત કરવાના વિવિધ માર્ગો હોઈ શકે છે.
ભારતની સહ-અસ્તિત્વની પરંપરાનો ઉલ્લેખ કરતા ભાગવતે જણાવ્યું હતું કે ધાર્મિક નેતાઓએ સમાજમાં સતત એકતા અને સૌહાર્દનો સંદેશ પહોંચાડવો જોઈએ. તેમણે નોંધ્યું હતું કે વર્તમાન વૈશ્વિક પરિસ્થિતિમાં માનવીય એકતા અને પરસ્પર સૌહાર્દ પહેલાં કરતાં પણ વધુ આવશ્યક છે.
