સિંગલ પ્રાથમિક ડીલર્સને વિદેશી વિનિમય બજારમાં ટ્રેડિંગ સંબંધિત સુવિધાઓ ઓફર કરાશેઃ RBI
નવી દિલ્હી: સિંગલ પ્રાથમિક ડીલર્સ (SPDs)નેને વિદેશી વિનિમય બજારમાં ટ્રેડિંગ સંબંધિત તમામ સુવિધાઓ ઓફર કરી શકશે. રિઝર્વ બેંક ઓફ ઈન્ડિયા (RBI) એ દેશમાં નાણાકીય બજારના વિકાસને સરળ બનાવવા માટે આ પ્રસ્તાવ મૂક્યો હતો. હાલમાં, તેને કેટેગરી-I હેઠળ આવતા અધિકૃત ડીલરો દ્વારા ઓફર કરવાની મંજૂરી છે. આ પગલું ગ્રાહકોને તેમના વિદેશી મુદ્રાના જોખમને મેનેજ કરવા માટે વિવિધ બજાર નિર્માતાઓની પસંદગી આપશે. આ સાથે ભારતમાં ફોરેન એક્સચેન્જ માર્કેટ પણ મજબૂત થશે. SPD એ બેંકો અથવા અન્ય નાણાકીય સંસ્થાઓ છે જેને સરકારી સિક્યોરિટીઝમાં વ્યવહાર કરવાની મંજૂરી છે.
નાણાકીય નીતિ સમીક્ષા પછી, રિઝર્વ ગવર્નર શક્તિકાંત દાસે કહ્યું હતું કે, “સિંગલ પ્રાઈમરી ડીલરોએ દેશના નાણાકીય બજારોના વિકાસમાં મહત્વપૂર્ણ ભૂમિકા ભજવી છે. આને ધ્યાનમાં રાખીને, તેમને વિદેશી વિનિમય બજારમાં ટ્રેડિંગ સંબંધિત તમામ સુવિધાઓ પ્રદાન કરવાની મંજૂરી આપવાનો પ્રસ્તાવ મુકવામાં આવ્યો છે. “
તેમણે કહ્યું કે આ પગલાથી ગ્રાહકોને તેમના ફોરેક્સ એક્સપોઝરને મેનેજ કરવા માટે વિવિધ એકમો (માર્કેટ ઉત્પાદકો) સાથે કામ કરવાનો વિકલ્પ મળશે. વ્યાપક હાજરી સાથે, SPD સરકારી સિક્યોરિટીઝના કિસ્સામાં પ્રાથમિક અને ગૌણ બજાર પ્રવૃત્તિઓને ટેકો આપવા સક્ષમ બનશે.
તેમણે વધુમાં જણાવ્યું હતું કે, “સિંગલ પ્રાઈમરી ડીલર્સ (SPDs) ને વિદેશી ભારતીયો અને અન્ય લોકો પાસેથી સીધા જ ફોરન એક્સચેન્જ સેટલમેન્ટ ઓવરનાઈટ ઈન્ડેક્સ્ડ સ્વેપ (FCS-OIS) વ્યવહારો કરવાની પરવાનગી આપવામાં આવી છે. હાલમાં એકમાત્ર પ્રાથમિક ડીલરોને મર્યાદિત હેતુઓ માટે ફોરેક્સનો વેપાર કરવાની છૂટ છે.
આ વર્ષે ફેબ્રુઆરીમાં, બેંકોને વિદેશી FCS-OIS માર્કેટમાં વિદેશીઓ અને અન્ય લોકો સાથે વ્યવહાર કરવાની મંજૂરી આપવામાં આવી હતી. આ અંગેની માર્ગદર્શિકા જાહેર કરવામાં આવશે.
(PHOTO-FILE)
