હૈદરાબાદ, 26 ઓગસ્ટ 2026: તેલંગાણાના સૂર્યાપેટ જિલ્લામાં આજે સવારે લગભગ 5:20 વાગ્યે એક ગંભીર અકસ્માત સર્જાયો હતો. એક ખાનગી ટ્રાવેલ બસ ટ્રક સાથે અથડાઈ હતી. આ અકસ્માતમાં છ લોકોનાં મોત થયાં છે.
બસ હૈદરાબાદથી વિજયવાડા જઈ રહી હતી. તેમાં 43 મુસાફરો સવાર હતા. અકસ્માતમાં અનેક લોકો ઘાયલ થયા છે અને તેમને સ્થાનિક હોસ્પિટલોમાં દાખલ કરવામાં આવ્યા છે.
સૂર્યાપેટમાં અકસ્માતમાં 6 લોકોનાં મોત
સૂર્યાપેટ પોલીસ પાસેથી સમાચાર સંસ્થા ANIને મળેલી માહિતી મુજબ, હૈદરાબાદથી વિજયવાડા જઈ રહેલી એક ખાનગી ટ્રાવેલ બસમાં 43 મુસાફરો સવાર હતા, પરંતુ દુર્ગાપુરમ સ્ટેજ નજીક તે અચાનક એક ટ્રક સાથે અથડાઈ હતી.
અહેવાલો અનુસાર, આ અકસ્માતમાં અત્યાર સુધીમાં છ લોકોનાં મોત થયાં છે, જ્યારે ઘાયલોને હોસ્પિટલમાં દાખલ કરવામાં આવ્યા છે. સૂર્યાપેટ પોલીસે જણાવ્યું હતું કે, “અમે મૃતકોના મૃતદેહોને પોસ્ટમોર્ટમ માટે મોર્ગમાં મોકલી આપ્યા છે અને આ મામલે તપાસ કરી રહ્યા છીએ.”
મુખ્યમંત્રીએ વધુ સારી તબીબી સારવાર સુનિશ્ચિત કરવા વિશે વાત કરી
ઘટનાની જાણ થતાં, તેલંગાણાના મુખ્યમંત્રી રેવંત રેડ્ડીએ સૂર્યાપેટ જિલ્લામાં થયેલા માર્ગ અકસ્માત અંગે દુઃખ વ્યક્ત કર્યું.
સોશિયલ મીડિયા પ્લેટફોર્મ ‘X’ પર માહિતી આપતા તેલંગાણા CMOએ લખ્યું, “કોડાદ મંડળના દ્વારકુંટા નજીક એક ખાનગી બસ અને કન્ટેનર ટ્રક વચ્ચે ટક્કર થઈ હતી. મુખ્યમંત્રીએ મુખ્ય સચિવને નિર્દેશ આપ્યો છે કે ઘાયલોને યોગ્ય તબીબી સારવાર મળે તે સુનિશ્ચિત કરવા માટે જરૂરી પગલાં લેવામાં આવે.”
વધુ વાંચો: દિલ્હી પોલીસે આંતરરાષ્ટ્રીય ડ્રગ્સ અને હથિયારોની દાણચોરીના રેકેટનો પર્દાફાશ કર્યો
