ફ્રાન્સમાં આતંકવાદી હુમલો થયો,આતંકવાદીએ ગાડીનો દરવાજો ખોલીને પોલીસકર્મીને છરીના ઘા માર્યા
- ફ્રાન્સમાં આતંકવાદી હુમલો
- જર્મનીમાં પણ આતંકવાદી હુમલો
- ફ્રાન્સમાં પોલીસ પર છરીના ઘા
દિલ્હી :આતંકવાદી હુમલાથી તો હવે મોટા ભાગના દેશો પરેશાન છે. જે દેશો પોતાના ત્યાં રહેતી શાંતિના કારણે પ્રખ્યાત છે તેવા દેશોમાં પણ હવે આતંકવાદી હુમલા થઈ રહ્યા છે. વાત એવી છે કે ભારત પછી હવે જર્મની અને ફ્રાન્સમાં પણ આતંકવાદી હુમલા થઈ રહ્યા છે. હવે ફ્રાન્સમાં આતંકવાદી હુમલો થયો છે જેમાં આતંકવાદીએ છરીના ઘા થી પોલીસ પર જ હુમલા કરી દીધો છે.
ફ્રાન્સના દક્ષિણ ભાગમાં આવેલા કેન્સ શહેરમાં એક હુમલાખોરે પોલીસ અધિકારીની ચાકુ મારીને હત્યા કરી દીધી હતી. હુમલાખોર ઝડપાઈ ગયો છે. ફ્રાન્સના ગૃહમંત્રી ગેરાલ્ડ ડારમાનિને સોમવારે આ માહિતી આપી હતી. કાન્સમાં આ હુમલો એવા સમયે થયો છે જ્યારે ફ્રાન્સમાં ટૂંક સમયમાં રાષ્ટ્રપતિની ચૂંટણી યોજાવા જઈ રહી છે. આવી સ્થિતિમાં, હિંસક અપરાધો અને આતંકવાદને લઈને મતદારોમાં ચિંતા છે.
હુમલાખોર અલ્જેરિયાનો નાગરિક હતો જે ઇટાલીથી રહેઠાણ પરમિટ ધરાવે છે. તેનો જન્મ 1984 માં થયો હતો અને તે ફ્રેન્ચ સત્તાવાળાઓને જાણતો ન હતો. પોલીસ આ કેસની તપાસ આતંકવાદી હુમલાની જેમ કરી રહી છે. તાજેતરના વર્ષોમાં, ફ્રેન્ચ પોલીસ અધિકારીઓ ઇસ્લામિક કટ્ટરપંથીઓનો ભોગ બન્યા છે. જેના કારણે તેમને રક્ષણ મળે અને ગુનેગારોને કડક સજા થાય તેવી માંગ ઉઠી છે. અગાઉ 23 એપ્રિલના રોજ, પેરિસના ઉપનગર રેમ્બુઇલેટમાં એક પોલીસ સ્ટેશનના પ્રવેશ દ્વાર પર હુમલાખોર દ્વારા પોલીસ વહીવટી સહાયકની છરી મારીને હત્યા કરવામાં આવી હતી. હુમલાખોર 36 વર્ષીય ટ્યુનિશિયન નાગરિક હતો, જે સુરક્ષા દળો દ્વારા માર્યો ગયો હતો.
તો નોંધનીય છે કે છેલ્લા કેટલાક વર્ષોમાં ફ્રાન્સ આતંકવાદી હુમલાનો ભોગ બનતું રહ્યું છે અને થોડા દિવસ પહેલા જર્મનીમાં પણ આ પ્રકારનો હુમલા થયો હતો જેમાં કેટલાક નાગરિકો ઈજાગ્રસ્ત થયા છે.
