આ છે દુનિયાની સૌથી મોંઘી દવા,એક ડોઝના 28.51 કરોડ રૂપિયા,FDA એ આપી મંજુરી
દિલ્હી:અમેરિકાના ફેડરલ ડ્રગ એડમિનિસ્ટ્રેશન (FDA) એ વિશ્વની સૌથી મોંઘી દવાને મંજૂરી આપી છે. તેની કિંમત જાણીને તમને આશ્ચર્ય થશે.આ દવાના એક ડોઝની કિંમત 3.5 મિલિયન યુએસ ડોલર એટલે કે 28.51 કરોડ રૂપિયા છે.આ દવાનો ઉપયોગ હિમોફિલિયા બીની સારવારમાં થાય છે, જે ખૂબ જ દુર્લભ રોગ છે.આ એક આનુવંશિક રોગ છે, જેમાં માનવીનું લોહી ઓછું થતું જણાય છે.
વૈજ્ઞાનિકોએ કહ્યું છે કે,આ દવા કેવા પ્રકારની બીમારીની સારવાર કરે છે અને આ દવાને વિકસાવવામાં કરેલી મહેનત અને ટેક્નોલોજીને ધ્યાનમાં રાખીને કિંમત ‘વાજબી’ છે. આ દવાનું નામ હેમજેનિક્સ છે. જ્યારે કોઈના શરીરમાં લોહી ગંઠાઈ જવાની પ્રક્રિયા અથવા ગતિ ધીમી પડી જાય છે, ત્યારે તેના શરીરમાંથી રક્તસ્ત્રાવ બંધ થતો નથી.આ એક દુર્લભ આનુવંશિક રોગ છે. તેને રોકવું ખૂબ મુશ્કેલ છે. તેથી જ આ દવા બનાવવામાં આવી છે.
પુરુષો હિમોફિલિયા-બી રોગથી વધુ પીડાય છે.સમગ્ર વિશ્વમાં તેના દર્દીઓની ચોક્કસ સંખ્યાનો અંદાજ કાઢવો મુશ્કેલ છે.પરંતુ અમેરિકામાં લગભગ 8 હજાર પુરુષો આ રોગ સામે ઝઝૂમી રહ્યા છે.તેણે જીવનભર આની સાથે સંઘર્ષ કરવો પડશે.આ રોગની સારવાર એટલી મોંઘી છે કે,દરેક જણ તેની યોગ્ય સારવાર કરાવી શકતા નથી.ગંભીર રીતે બીમાર લોકો સાથે સમસ્યા વધે છે. તેથી જ લાંબા સમયથી આવી દવાની જરૂર હતી.
સંશોધકોએ અભ્યાસ કર્યો છે કે હિમોફિલિયા-બીથી પીડિત વ્યક્તિ તેના આખા જીવનમાં 171 થી 187 કરોડ ખર્ચ કરે છે.અથવા તો તેમની સરકાર કરે છે.ઓછામાં ઓછું અમેરિકામાં આવું થાય છે.જો કે, યુરોપિયન દેશોમાં આ રોગની સારવાર અમેરિકા કરતાં સસ્તી છે.પરંતુ આ પછી પણ કરોડો રૂપિયાનો ખર્ચ કરવામાં આવે છે.બીજી બાજુ, હેમજેનિક્સ એક એવી દવા છે, જેનો એક જ ડોઝ ઈલાજ કરે છે.તે સંપૂર્ણ કિંમત કરતાં સસ્તી હશે.
