મેક્સિકન રાજ્ય ઝાકેટાસમાં નેશનલ હાઈવે પર એક ભયાનક માર્ગ અકસ્માતમાં 19 લોકોના મોત થયા છે અને 6 ગંભીર રીતે ઘાયલ થયા છે. ઝાકેટાસના ગવર્નર ડેવિડ મોનરિયલે અકસ્માતની પુષ્ટિ કરી છે.
યુએસ-મેક્સિકો બોર્ડર પર ચિહુઆહુઆ રાજ્યના સિઉદાદ જુઆરેઝ શહેરમાં મુસાફરોને લઈને જતી બસ મકાઈથી ભરેલા ટ્રેક્ટર-ટ્રોલી સાથે અથડાઈ હતી, ત્યારબાદ બંને વાહનો ખાડામાં પડી ગયા હતા. ઘટનાસ્થળે રેસ્ક્યુ ઓપરેશન શરૂ કરવામાં આવ્યું હતું. ઘાયલોને તાત્કાલિક બહાર કાઢીને હોસ્પિટલમાં લઈ જવામાં આવ્યા હતા. મૃત્યુ પામેલા તમામ 19 મેક્સિકન હતા.