તાજેતરમાં જ મધ્યપ્રદેશના સિંગરૌલીમાં એકસાથે ચાર મૃતદેહ મળી આવ્યા હતા. આ ચાર મૃતદેહો સિંગરૌલીમાં સેપ્ટિક ટાંકીમાંથી મળી આવ્યા હતા. એમપી પોલીસે આ બાબતનો ખુલાસો કર્યો છે. જૂની અદાવતના કારણે આરોપીઓએ સાથે મળીને આ હત્યા કરી હોવાનું પોલીસે જણાવ્યું હતું. પોલીસે આ કેસમાં 6 લોકોની ધરપકડ કરી છે. પકડાયેલા આરોપીઓમાં એક સગીર છે. પોલીસે જણાવ્યું કે આ કેસના તમામ આરોપીઓએ પોતાનો ગુનો કબૂલી લીધો છે.
સમગ્ર મામલાનો ખુલાસો કરતા રીવા ઝોનના ડીઆઈજી સાકેત પ્રસાદ પાંડેએ જણાવ્યું કે 4 જાન્યુઆરીએ સિંગરૌલી જિલ્લાના બરગવાન પોલીસ સ્ટેશન વિસ્તારના બરોખાર ગામમાં એક ઘરની પાછળ બનેલી સેપ્ટિક ટાંકીમાંથી ચાર લોકોના મૃતદેહ મળી આવ્યા હતા. તેમની ઓળખ સુરેશ પ્રજાપતિ, કરણ સાહુ, રાકેશ સિંહ અને જોગેન્દ્ર મહતો તરીકે થઈ હતી. આ ઘર મૃતક સુરેશ પ્રજાપતિનું હતું, જે રીઢો ગુનેગાર હતો. ચારેય મૃતકો જયંત વિસ્તારના રહેવાસી હતા. ચારેય મિત્રો હતા અને નવા વર્ષની પાર્ટી મનાવવા સુરેશના ઘરે આવ્યા હતા. પાર્ટી પછી બીજા દિવસે સુરેશના ઘરની બહાર સેપ્ટિક ટાંકીમાં બધાના મૃતદેહ મળી આવ્યા હતા.
આ કેસમાં પોલીસ આરોપી સુધી પહોંચવાનો પ્રયાસ કરી રહી છે. પોલીસે આરોપીની ધરપકડ કરવા અને કેસની તપાસ માટે SITની રચના પણ કરી હતી. પોલીસે અનેક ટીમો બનાવી અને ડોગ સ્ક્વોડ, એફએસએલ તેમજ ફિંગરપ્રિન્ટ નિષ્ણાતો દ્વારા ઘટના સ્થળનું બારીકાઈથી નિરીક્ષણ કર્યું. સ્થળ પરથી પુરાવા એકત્ર કરવામાં આવ્યા હતા. પોલીસે ચાર અલગ-અલગ પોલીસ ટીમો બનાવી પુરાવાના આધારે આરોપીઓની શોધખોળ શરૂ કરી હતી. આ પછી પોલીસને આ કેસમાં જલ્દી સફળતા મળી. પોલીસ આરોપીઓ સુધી પહોંચી હતી.
સોમવારે સમગ્ર મામલાનો ખુલાસો કરતા રીવા ઝોનના ડીઆઈજી સાકેત પ્રસાદ પાંડેએ કહ્યું કે જૂની અદાવતના કારણે આ હત્યા કરવામાં આવી છે. આરોપી રાજા રાવતની મૃતક જોગેન્દર મહતો સાથે જૂની દુશ્મની હતી. આ કારણોસર તેણે તેના સાગરિતો સાથે મળીને આ ઘટનાને અંજામ આપ્યો હતો. પોસ્ટમોર્ટમ દરમિયાન પોલીસને ખબર પડી કે મૃતક પર ગોળી વાગી હતી. મૃતક પૈકી ત્રણનું ગોળી વાગવાથી મોત થયું હતું, જ્યારે એક મૃતકનું ગળું દબાવીને અને માથામાં ઘાતક હથિયાર વડે હુમલો કરીને હત્યા કરવામાં આવી હતી.