લોકપ્રિય શો બિગબોસમાં થશે અભિનેત્રી રેખાની એન્ટ્રીઃ શો ની ખાસ જવાબદારી સંભાળતી જોવા મળશે રેખા
- બિગબોસમાં થશે રેકાની એન્ટ્રી
- શોમાં ખાસ જવાબદારી સંભાળતી જોવા મળશે
મુંબઈઃ-કરણ જોહરનો શો બિગ બોસ ઓટીટી પર આ દિવસોમાં ખૂબ જ ચર્ચામાં જોવા મળે છે. સમાચાર પ્રમાણે હવે બોલિવૂડની પીઢ અભિનેત્રી રેખા આ શોમાં એન્ટ્રી કરવા જઈ રરી છે. તેની એન્ટ્રી એક ખાસ હેતુ માટે થશે, જે દર્શકોને જોઈને ખૂબ જ ખુશીથી જુમી ઉઠશે.
ઉલ્લેખનીય છે કે બિગ બોસ ઓટીટી શો 6 અઠવાડિયા સુધી ચાલશે, ત્યારબાદ બાકીના સ્પર્ધકો બિગ બોસ 15 માં પ્રવેશ કરશે. બિગ બોસ 15 માં સલમાન ખાન આ સ્પર્ધકોને એક ઘરમાં બંધ કરી દેશે અને પછી સાચી સ્પર્ધાનો થશે આરંભ.
મળતી માહિતી પ્રમાણે આના શો મેકર્સે રેખાને મોટી જવાબદારી આપવાનો નિર્ણય કર્યો છે. રિપોર્ટમાં જણાવવામાં આવ્યું છે કે રેખા ‘ટ્રી ઓફ ફોર્ચ્યુન’ નામના શોમાં નવી સુવિધા માટે વ વોઇસઓવર કરી રહી છે. બિગ બોસ ઓટીટી માટે હવે પાંચ અઠવાડિયા બાકી છે. આ પછી, સલમાન ખાનનો શો બિગ બોસ 15 શરૂ થતાની સાથે જ ધમાલ મચાવતો જોવા મળશે. જેમાં રેખા પહેલા જ દિવસે ખાસ જવાબદારી નિભાવતી જોવા મળશે.
સૂત્રોનું જો માનીએ તો રેખા ‘ટ્રી ઓફ ફોર્ચ્યુન’ ફોર્મેટમાં સલમાન સાથે તેનો પરિચય કરાવશે. આ ઉપરાંત, રેખા ટોચના સ્પર્ધકોના પ્લસ અને માઇનસ પોઇન્ટ્સને હાઇલાઇટ કરશે અને સમજાવશે કે ટોચના સ્પર્ધકો આ બિગ બોસ 15 નો ભાગ કેમ બની શકે છે. તે સ્પર્ધકોની ખુબીઓ બતાવતા એ પણ જાહેર કરશે અ કે તેઓ રિયાલિટી શોની 15 મી સીઝનમાં પ્રવેશ માટે મજબૂત દાવેદાર કેવી રીતે છે. રિપોર્ટમાં એમ પણ કહેવામાં આવ્યું છે કે રેખાએ શો માટે ડબિંગ કર્યું છે. તેણે જુહુ સ્ટુડિયોમાં પોતાના ભઆગનું કામ પૂર્ણ કરી લીઘું છે.
આ પહેલા સ્ટાપ પ્લસ પર પ્રસારિત થતા શો ગુમ હે કિસી કે પ્યાર મેં….ના પ્રોમોમાં પણ રેખા 50 સેકેન્ડ માટે જોવા મળી હતી આ માટે તેમણે 5 કરોડની ફી વસુલી હોવાના સમાચાર સામે આવ્યા હતા, ત્યારે હવે આ મોંઘી અભિનેત્રી બિગબોસમાં પણ જોવા મળશે.
