રણમાં ફરવા ગયેલી મહિલાને આ સ્થળ એટલું પસંદ આવ્યું કે તે 40 ઊંટો સાથે ત્યાં જ રહેવા લાગી

• રણમાં ફરવા ગયેલી મહીલા ત્યાં જ થઇ સ્થાયી
• ઊંટો સાથે એટલો બધો પ્રેમ કે 40 ઊંટો ખરીદ્યા
• 23 વર્ષથી આ મહિલા દુબઈના રણમાં જ રહે છે

દરેક વ્યક્તિ વૈભવી જીવન જીવવા માંગે છે. દરેક વ્યક્તિ સંપૂર્ણ AC ઘરમાં આરામદાયક સૂવા માંગે છે. જો કે કેટલાક એવા લોકો છે જે પર્વતો અને વિવિધ સ્થળોએ મુસાફરી કરવાનું પસંદ કરે છે. આવા લોકોના મનમાં આ નવી જગ્યાઓની સુંદર યાદો ઘર કરી જાય છે. આજે અમે તમને એવી જ એક પ્રવાસી મહિલા વિશે જણાવવા જઈ રહ્યા છીએ જેને નવી જગ્યાઓ પર ફરવાનું પસંદ હતું. નવાઈની વાત એ છે કે એક વખત તે ફરવા માટે આવી જગ્યાએ ગઈ હતી, જે તેને એટલી ગમી કે તે ત્યાં કાયમ માટે સ્થાયી થઈ ગઈ. તમને જાણીને નવાઈ લાગશે કે તે કોઈ આલીશાન જગ્યા નહિ પણ રણ હતું.

જર્મનીની રહેવાસી ઉરસુલા મૂશ એક ઇન્ટરનેશનલ ટ્રાન્સપોર્ટ કંપનીની માલિક હતી. ઘણા વર્ષો પહેલા તે દુબઈના રણની મુલાકાત લેવા ગઈ હતી. વૈભવી જીવન જીવતી ઉરસુલાને તે જગ્યા એટલી ગમતી હતી કે,પોતાનું તમામ ઘર અને વૈભવી જીવન છોડીને તે ઊંટ સાથે રણમાં સ્થાયી થઈ ગઈ. ઉરસુલા મૂશે જણાવ્યું કે,તે દુબઈના લોકો અને દુબઈની સંસ્કૃતિના પ્રેમમાં પડી ગઈ છે. અત્યારે પણ તે ઊંટ વગર પોતાનું જીવન જીવી શકતી નથી. આ કારણે તેઓએ ઊંટ સાથે રહેવાનું નક્કી કર્યું. 1998 માં, તેણીએ જર્મનીમાં તેનું વૈભવી ઘર છોડી દીધું અને 3900 માઈલ દૂર દુબઈ રહેવા ગઈ.

ઉરસુલા મૂશને ઊંટો સાથે એટલો બધો પ્રેમ થયો કે,તેણે 40 ઊંટ પણ ખરીદી લીધા. છેલ્લા 23 વર્ષથી તે હવે તેના 40 ઊંટ સાથે દુબઈમાં રહે છે. ઊંટ પ્રત્યેના એટલા બધા પ્રેમને કારણે આજે લોકો તેમને દુબઈની કેમલ ક્વીનના નામથી બોલાવે છે. ઉરસુલા આજે દુબઈની પ્રખ્યાત ઊંટ રખાત છે. ઉરસુલાએ રણમાં Kamel Uschi Dubai નામના ફાર્મની શરૂઆત કરી.

આ ફાર્મમાં ઊંટ સહિત અનેક પ્રકારના પ્રાણીઓ ઉછેરવામાં આવે છે. આ સિવાય આ ફાર્મ દુબઈના રણની મુલાકાતે આવતા પ્રવાસીઓને હોટેલ્સ પ્રદાન કરે છે. તમને જાણીને નવાઈ લાગશે કે,જર્મનીમાં વૈભવી જીવન જીવતી ઉરસુલા આજે જ્યાં રહે છે, ત્યાં ન તો લાઈટ છે અને ન તો કોઈ આધુનિક સુવિધાઓ. તે જે જગ્યાએ રહે છે ત્યાં તાત્કાલિક પાણી ની પણ વ્યવસ્થા નથી થઇ શકતી.

સૌથી મહત્વની વાત એ છે કે ઉરસુલા દુબઈ શહેરમાં પણ નથી રહેતી, પરંતુ રણ વિસ્તારમાં રહે છે. હવે ત્યાંના સ્થાનિક લોકો તેના વિશે કહેવા લાગ્યા છે કે,તે રણના ‘બેદુઈન’ લોકો કરતાં વધુ અરબી છે. ઉરસુલા સાથે વાત કરતાં તે કહે છે કે, 23 વર્ષ પહેલા જ્યારે તે પહેલીવાર દુબઈ આવી ત્યારે તેને અહેસાસ થયો કે આ તે જગ્યા છે જ્યાં તે હંમેશા રહેવા માંગતી હતી.