હવામાન સાફ થતાં કેદારનાથ યાત્રા ફરી શરૂ થઈ

•  આજથી કેદારનાથ યાત્રા ફરી શરુ કરવામાં આવી  
• સતત વરસતા વરસાદને લીધે રોકવામાં આવી હતી યાત્રા
• સોમવારે ભારે વરસાદ વચ્ચે સ્થગિત કરાઈ હતી યાત્રા

 દહેરાદૂન:કેદારનાથ યાત્રા મંગળવારે ફરી શરૂ કરવામાં આવી છે.હવામાન સાફ થતાં યાત્રા ફરી શરૂ કરવામાં આવી છે.

કેદારનાથ યાત્રા સોમવારે ભારે વરસાદ વચ્ચે સ્થગિત કરવામાં આવી હતી અને ગૌરીકુંડથી કેદારનાથ સુધીના વિવિધ સ્થળોએ યાત્રાળુઓને રોકી દેવામાં આવ્યા હતા.

2013 ની કેદારનાથ દુર્ઘટનામાંથી બોધપાઠ લેતા રુદ્રપ્રયાગ જિલ્લા વહીવટીતંત્રે સાવચેતીનો ઉપયોગ કર્યો હતો અને શ્રદ્ધાળુઓને પોતપોતાના સ્થળોએ રહેવાની અપીલ કરી હતી.

રુદ્રપ્રયાગના જિલ્લા મેજિસ્ટ્રેટના કાર્યાલયમાંથી પ્રાપ્ત માહિતી અનુસાર, સોમવારે સવાર સુધી કેદારનાથના દર્શને ગયેલા મુસાફરોને નીચે ઉતરતા અટકાવવામાં આવ્યા હતા.એ જ રીતે લોકોને બેઝ કેમ્પ ગૌરીકુંડથી ઉપર જવાની મંજૂરી આપવામાં આવી ન હતી.

ખરાબ હવામાનને ધ્યાનમાં રાખીને જિલ્લા વહીવટી તંત્ર દ્વારા કોઈ અપ્રિય પરિસ્થિતિ ન સર્જાય તે માટે તમામ તકેદારી રાખવામાં આવી રહી છે.મુસાફરોની સુરક્ષા માટે સમગ્ર પગપાળા માર્ગ પર સુરક્ષા દળો તૈનાત કરવામાં આવ્યા છે.