ચેક વિદેશ મંત્રી લિપાવસ્કીએ એસ.જયશંકર સાથે મુલાકાત કરી, બંને વચ્ચે આ મુદ્દાઓ પર થઈ ચર્ચા
દિલ્હી:વિદેશમંત્રી એસ જયશંકર અને ચેક રિપબ્લિકના વિદેશમંત્રી જાન લિપાવસ્કીએ સોમવારે બંને દેશો વચ્ચે વેપાર, સંરક્ષણ, અવકાશ અને શિક્ષણના ક્ષેત્રોમાં તકો અંગે ચર્ચા કરી હતી.જયશંકરે સોમવારે ટ્વિટ કર્યું હતું કે, ચેક રિપબ્લિકના વિદેશમંત્રી જાન લિપાવસ્કીનું આજે નવી દિલ્હીમાં સ્વાગત કર્યું હતું.અમારા લાંબા સમયથી ચાલતા દ્વિપક્ષીય સંબંધો નિયમિત સંપર્કો સાથે આગળ વધી રહ્યા છે.અમે વેપાર, સંરક્ષણ, અવકાશ, શિક્ષણ, વિજ્ઞાન અને ટેકનોલોજી અને નવીનતાના ક્ષેત્રોમાં તકોની ચર્ચા કરી.
વિદેશ મંત્રી જયશંકરે અન્ય એક ટ્વીટમાં કહ્યું કે અમે ભારત-EU સહયોગ અને સપ્લાય ચેઇનની વિશ્વસનીયતા, ડિજિટલ ટ્રસ્ટ અને પારદર્શિતા પર કન્વર્જન્સને આગળ વધારવાની જરૂરિયાતની નોંધ લીધી છે.બહુપક્ષીય મંચોમાં તેમનો મજબૂત સહયોગ ચાલુ રાખવા માટે પણ સંમત થયા.યુરોપ અને ઈન્ડો-પેસિફિક ક્ષેત્રના વિકાસ તેમજ વૈશ્વિક મુદ્દાઓ પર મંતવ્યોનું આદાનપ્રદાન કર્યું.
જાન લિપાવસ્કી ત્રણ દિવસની સત્તાવાર મુલાકાતે રવિવારે ભારત આવ્યા હતા.તેમની આ મુલાકાત ભારત અને ચેક રિપબ્લિક વચ્ચેના દ્વિપક્ષીય સંબંધોને વધુ વેગ આપશે.વિદેશ મંત્રાલયના સત્તાવાર પ્રવક્તા અરિન્દમ બાગચીએ રવિવારે ટ્વિટ કર્યું કે, “ચેક વિદેશમંત્રી જાન લિપાવસ્કીનું તેમની ત્રણ દિવસીય સત્તાવાર મુલાકાત પર ભારતમાં સ્વાગત છે.” આ મુલાકાત ચેક રિપબ્લિક સાથે ભારતના દ્વિપક્ષીય સંબંધોને વધુ વેગ આપશે.જાન લિપાવસ્કી 26 ફેબ્રુઆરીથી 1 માર્ચ સુધી ભારતની મુલાકાતે છે.વિદેશ મંત્રાલય (MEA)ના એક રીલીઝમાં જણાવાયું છે કે,ભારતની તેમની મુલાકાત દરમિયાન, લિપાવસ્કી 28 ફેબ્રુઆરીએ ભારત-EU બિઝનેસ એન્ડ સ્ટેબિલિટી કોન્ક્લેવના ઉદ્ઘાટન સત્રમાં ભાગ લેશે.
જૂન 2022માં વિદેશ મંત્રી એસ જયશંકરની ચેક રિપબ્લિકની મુલાકાત બાદ લિપાવસ્કી ભારતની મુલાકાતે છે. આ વર્ષની શરૂઆતમાં, જયશંકરની ઓસ્ટ્રિયાની મુલાકાત દરમિયાન, બંને નેતાઓએ વિયેનામાં બેઠક કરી હતી.
