નવી દિલ્હી, 02 સપ્ટેમ્બર 2026: એન્ફોર્સમેન્ટ ડિરેક્ટોરેટ (ED) એ અનેક રાજ્યોમાં દરોડા પાડ્યા હતા. નેશનલ હાઈવે ઓથોરિટી ઓફ ઈન્ડિયા (NHAI) ના વિવિધ ટોલ પ્લાઝા પર છેતરપિંડીથી ટોલની વસૂલાત સાથે સંકળાયેલા મની લોન્ડરિંગના કેસની તપાસના ભાગરૂપે આ દરોડા પાડવામાં આવ્યા હતા.
અધિકારીઓએ જણાવ્યું હતું કે ઉત્તર પ્રદેશ, રાજસ્થાન, મહારાષ્ટ્ર, જમ્મુ-કાશ્મીર, મધ્ય પ્રદેશ, દિલ્હી-એનસીઆર અને પશ્ચિમ બંગાળમાં લગભગ 14 સ્થળોએ તપાસ હાથ ધરવામાં આવી હતી. કેન્દ્રીય એજન્સી દ્વારા પોલીસની બે એફઆઈઆર (FIR) ની નોંધ લીધા બાદ ‘પ્રિવેન્શન ઓફ મની લોન્ડરિંગ એક્ટ’ (PMLA) હેઠળ આ કાર્યવાહી શરૂ કરવામાં આવી હતી.
એફઆઈઆર (FIR) માં કયા આક્ષેપો કરવામાં આવ્યા હતા?
એફઆઈઆર (FIR) માં આક્ષેપ કરવામાં આવ્યો છે કે ટોલની રસીદો બનાવવા માટે એક અનધિકૃત સોફ્ટવેર એપ્લિકેશનનો ઉપયોગ કરવામાં આવ્યો હતો અને ટોલની આવકને સત્તાવાર હિસાબી પદ્ધતિથી અલગ દિશામાં વાળવામાં આવી હતી.
રેકોર્ડ્સ દ્વારા છેતરપિંડીની પુષ્ટિ
EDના અધિકારીઓએ જણાવ્યું હતું કે ફોરેન્સિક વિશ્લેષણ અને નેશનલ હાઈવે ઓથોરિટી ઓફ ઈન્ડિયા (NHAI)ના રેકોર્ડ્સ દ્વારા આવા સોફ્ટવેરના ઉપયોગની પુષ્ટિ થઈ છે. તેમણે ઉમેર્યું હતું કે આ દરોડાનો ઉદ્દેશ્ય ડિજિટલ અને દસ્તાવેજી પુરાવા એકત્રિત કરવાનો, લાભાર્થીઓની ઓળખ કરવાનો અને ગુનાથી મેળવેલી રકમ (પ્રોસીડ્સ ઓફ ક્રાઈમ)નો પત્તો લગાવવાનો છે.
વધુ વાંચો: ઈજિપ્તમાં ભયાનક માર્ગ અકસ્માત: દક્ષિણ સિનાઈમાં બસ પલટી જતાં 16 લોકોનાં મોત
 એ અનેક રાજ્યોમાં દરોડા પાડ્યા હતા. નેશનલ હાઈવે ઓથોરિટી ઓફ ઈન્ડિયા (NHAI) ના વિવિધ ટોલ પ્લાઝા પર છેતરપિંડી){kind=link}