નવી દિલ્હી, 02 સપ્ટેમ્બર 2026: નેપાળમાં વિનાશક પૂર અને આપત્તિ બાદ મદદ પૂરી પાડવા માટે ભારતે રાહત સામગ્રી અને વિશેષ બચાવ ટુકડી સાથેનું તેનું પાંચમું વિમાન રવાના કર્યું છે. વિદેશ મંત્રી એસ. જયશંકરે આ સહાય અંગે માહિતી આપતા જણાવ્યું હતું કે, 5.5 ટન આવશ્યક દવાઓ, વિશેષ બચાવ સાધનો અને 11 સભ્યોની વિશેષ બચાવ ટુકડી સાથે પાંચમી ફ્લાઇટ નેપાળ માટે રવાના થઈ છે.
આ અગાઉ, ભારતે માનવીય સહાય અને આપત્તિ રાહત (HADR) કામગીરી હેઠળ નેપાળને સહાયના ચાર જથ્થા મોકલી આપ્યા છે, જેમાં 57.5 ટનથી વધુ રાહત સામગ્રી, જનરેટર, તબીબી ટીમો અને શોધ-બચાવ ટુકડીઓનો સમાવેશ થાય છે. ભારત સરકાર NDRFના નિષ્ણાતો અને જરૂરી સાધનો તૈનાત કરીને, ફસાયેલા લોકોને બહાર કાઢવા અને આવશ્યક સંપર્ક વ્યવસ્થા પુનઃસ્થાપિત કરવામાં સતત સહાય કરી રહી છે.
The fifth Indian aircraft has departed for Nepal.
It is carrying an 11-member rescue team with specialised equipment, and 5.5 tonnes of essential medicines.
🇮🇳 🤝🇳🇵 pic.twitter.com/g7f4FqgPk8
— Dr. S. Jaishankar (@DrSJaishankar) September 2, 2026
નેપાળમાં પૂરને કારણે અત્યાર સુધીમાં 1127 લોકોનાં મોત
નેપાળ પોલીસના સત્તાવાર આંકડા મુજબ, 26 ઓગસ્ટે આવેલા વિનાશક પૂરને કારણે અત્યાર સુધીમાં 1127 લોકોનાં મોત થયાં છે, જ્યારે 4000થી વધુ લોકો ગુમ હોવાના અહેવાલ છે. ભારત સહિતના અનેક દેશો દ્વારા મદદ મોકલવામાં આવી રહી છે. ચીન-નેપાળ સરહદ નજીક હિમનદી (ગ્લેશિયર) ફાટવાને કારણે આ દુર્ઘટના સર્જાઈ હતી.
વધુ વાંચો: ભારત અને અમેરિકા મહત્વપૂર્ણ ખનિજોના ક્ષેત્રે વધુ નજીકથી કામ કરવા સંમત થયા
