નવી દિલ્હી, 23 ઓક્ટોબર 2026: રાજધાની દિલ્હીના છાવલા વિસ્તારમાં શુક્રવારે એક દુઃખદ ઘટના સામે આવી છે. ઝેરી ગેસને કારણે ગૂંગળામણ થવાથી એક યુવાનનું મૃત્યુ થયું છે.
દિલ્હીના છાવલા વિસ્તારમાં, નિર્માણાધીન સેપ્ટિક ટેન્કમાંથી શટરિંગ હટાવતી વખતે ઝેરી ગેસ શ્વાસમાં જવાથી 38 વર્ષીય એક વ્યક્તિનું મૃત્યુ થયું હતું, જ્યારે અન્ય ત્રણ લોકો ઘાયલ થયા હતા, તેમ પોલીસ સૂત્રોએ જણાવ્યું હતું.
દિલ્હી પોલીસના સૂત્રોએ જણાવ્યું હતું કે મૃતકની ઓળખ મદન પંડિત તરીકે થઈ છે. શટરિંગ હટાવવાનું કામ કરતી વખતે સેપ્ટિક ટેન્કની અંદર ઝેરી ગેસ શ્વાસમાં જવાથી કેટલાક લોકો ઘાયલ થયા હતા.
રાજધાની દિલ્હીમાં બનેલી આ દુઃખદ ઘટનાએ સેપ્ટિક ટાંકી જેવી બંધ જગ્યાઓમાં કામ કરવા સાથે સંકળાયેલા જોખમોને ફરી એકવાર ઉજાગર કર્યા છે. ઝેરી વાયુઓનો ભરાવો કામદારોના જીવન માટે ગંભીર ખતરો ઊભો કરી શકે છે.
વધુ વાંચો: તિબેટમાં વિનાશક ભૂકંપથી તબાહી, 16નાં મોત અને 54 ઘાયલ
