એક વ્યક્તિએ બનાવ્યો ચોકલેટનો ઢોસો,વિડીયો જોઈને લોકો થયા ગુસ્સે;કહ્યું- ફૂડ લાયસન્સ રદ કરો

દેશના દરેક ખૂણે ખાવાનો સ્વાદ બદલાય છે. જો તમે ઉત્તર પ્રદેશમાં જાવ તો ત્યાંનું ભોજન અને તેનો સ્વાદ અલગ હોય છે, જ્યારે પંજાબમાં જાવ તો ત્યાંના ભોજનનો સ્વાદ અલગ હોય છે. દક્ષિણ ભારત પણ કંઈક આવું જ છે. ત્યાંના ભોજનનો સ્વાદ પણ સાવ અલગ છે. દક્ષિણ ભારતમાં, લોકો ઘણીવાર મસાલા ઢોસા, ઈડલી-સંભાર જેવી વસ્તુઓ ખાવાનું પસંદ કરે છે. જો કે, હવે આખા દેશમાંથી લોકો આવી વસ્તુઓને પસંદ કરવા લાગ્યા છે અને કેટલાક તેનો પ્રયોગ કરતા પણ જોવા મળે છે. આ દિવસોમાં આવા જ એક અજીબોગરીબ ફૂડ એક્સપરિમેન્ટનો વીડિયો સોશિયલ મીડિયા પર વાયરલ થઈ રહ્યો છે, જેને જોઈને લોકો ગુસ્સે થઈ ગયા છે.

ખરેખર, આ વીડિયોમાં એક વ્યક્તિ ચોકલેટ ઢોસા બનાવતો જોવા મળી રહ્યો છે. તેણે માત્ર કિટ-કેટ્સ સાથે ઢોસા બનાવ્યા છે એટલું જ નહીં, ઢોસા બનાવ્યા પછી તેણે કિટ-કેટ ચોકલેટ્સ પણ ઉપર મૂકી છે અને એક અનોખી વાનગી તૈયાર કરી છે. વીડિયોમાં તમે જોઈ શકો છો કે કેવી રીતે વ્યક્તિએ પહેલા તવા પર એક મોટો ઢોસો બનાવ્યો અને પછી તેમાં ચોકલેટ સહિત વિવિધ વસ્તુઓ મિક્સ કરી. તમે મસાલા ઢોસા તો ખાધા જ હશે, પણ ચોકલેટ ઢોસા ભાગ્યે જ જોયા હશે કે ખાધા હશે. આ વિચિત્ર વાનગીએ લોકોને ચોંકાવી દીધા છે.

https://www.instagram.com/p/CriMGbIpoIk/?utm_source=ig_embed&utm_campaign=embed_video_watch_again

આ અજીબોગરીબ વાનગીનો વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર ખૂબ જ વાયરલ થઈ રહ્યો છે. તેને thegreatindianfoodie નામની આઈડીથી શેર કરવામાં આવ્યો છે.

તે જ સમયે, વીડિયો જોયા પછી, લોકોએ ઉશ્કેરણી સાથે અલગ-અલગ પ્રતિક્રિયાઓ પણ આપી છે. એક યુઝરે લખ્યું છે કે ‘ફૂડ લાયસન્સ કેન્સલ કરાવો ભાઈ તેનું’, એવી જ રીતે કોમેન્ટ કરતી વખતે, અન્ય એક યુઝરે લખ્યું છે કે, ‘આખો મૂડ બગાડી નાખ્યો તેને’, જ્યારે અન્ય એક યુઝરે લખ્યું છે કે, ‘ભાઈ, ગાયના છાણના ઢોસા અને ગુટખા ઢોસા પણ હવે બનાવી જ દયો’.