અભિષેક બચ્ચનના તેમની આગામી ફિલ્મની જાહેરાત કરી છે અને તેનું પોસ્ટર પણ રિલીઝ કર્યું છે. આ સાથે, તેમણે ફિલ્મની રિલીઝ તારીખ પણ જાહેર કરી છે. અભિનેતા અભિષેક બચ્ચને તેમના ઇન્સ્ટાગ્રામ પર એક પોસ્ટ શેર કરી છે, જેમાં તેમણે તેમની આગામી ફિલ્મ ‘કાલીધર લપતા’ ની જાહેરાત કરી છે. ફિલ્મના પોસ્ટરમાં, અભિનેતા એક બાળક સાથે ઝાડ પર બેઠેલા જોવા મળે છે. આમાં, તેઓ એક પરિપકવ અને અનુભવી વ્યક્તિની ભૂમિકામાં જોવા મળે છે.
આ પોસ્ટર શેર કરતા, અભિનેતાએ કેપ્શનમાં લખ્યું છે, ‘હવે ચર્ચાઓ પર પૂર્ણવિરામ! ક્યારેક, ખોવાઈ જવું એ કોઈ ચકરાવો નથી, પરંતુ અહીંથી વાસ્તવિક વાર્તા શરૂ થાય છે. સપના, વળાંકો અને તેને સાર્થક બનાવનારા લોકોથી ભરેલી.’ અભિનેતાએ એમ પણ જણાવ્યું કે આ ફિલ્મ 4 જુલાઈના રોજ ZEE5 પર રિલીઝ થશે. આ ફિલ્મનું નિર્દેશન મધુમિતા દ્વારા કરવામાં આવ્યું છે અને તેને ઝી સ્ટુડિયો દ્વારા સપોર્ટ કરવામાં આવે છે. આ ફિલ્મ એક ગામડાની વાર્તા પર આધારિત છે. જોકે, તમને જણાવી દઈએ કે તાજેતરમાં જ અભિનેતાએ પોસ્ટ કરી હતી કે તે ગુમ થવા માંગે છે, જેના કારણે તેના ચાહકો ચિંતિત હતા. જ્યારે અભિનેતા તેની આગામી ફિલ્મ ‘કાલીધર લપતા’ તરફ ઈશારો કરી રહ્યા હતા.
આ ફિલ્મની વાર્તા વિશે વાત કરીએ તો, તે કાલીધર નામના એક વ્યક્તિની આસપાસ ફરે છે, જે એક પરિપક્વ વ્યક્તિ છે. એક દિવસ તેને ખબર પડે છે કે તેનો પરિવાર તેને છોડીને જવાનો છે. આ કારણે તે ભાગી જાય છે અને એક બાળકને મળે છે. આ પછી વાર્તામાં ખરો વળાંક આવે છે.
