અભિનેતા અક્ષય કુમારની મોસ્ટ એવોઈટેડ ફિલ્મ ‘OMG 2’ નું નવું સોંગ ‘હર હર મહાદેવ’ રિલીઝ
મુંબઈઃ- બોલિવૂડ એક્શન હિરો અક્ષય કુમારની મોસ્ટ અવોઈટેડ ફિલ્મ ઓએમજી 2 ખૂબ જ ચર્ચામાં છે, બોલિવૂડ એક્ટર અક્ષય કુમાર આ દિવસોમાં તેની આગામી ફિલ્મ ‘ઓહ માય ગોડ-2’ માટે સતત ચર્ચામાં છે.
ઉલ્લેખનીય છે કે ફિલ્મના નિર્માતાઓએ થોડા દિવસો પહેલા ફિલ્મનું ટીઝર અને પહેલું ગીત રિલીઝ કર્યું હતું, જેને જોયા બાદ ચાહકો ‘OMG 2’ને લઈને ખૂબ જ ઉત્સાહિત છે. ફિલ્મના નિર્માતાઓએ સાવન મહિનામાં શિવના મહિમાને દર્શાવતું બીજું ગીત ‘હર હર મહાદેવ’ રિલીઝ કર્યું છે.
ફિલ્મ અભિનેતા અક્ષય કુમારની આવનારી ફિલ્મ ઓએમજી 2 નું ટીઝર જ્યારથી રિલીઝ થયું ત્યારથી ચારે તરફ તેની ચર્ચા ચાલી રહી છે. આ ફિલ્મ 11 ઓગસ્ટે થિએટરમાં રિલીઝ થશે. આ ફિલ્મમાં અક્ષય કુમારની સાથે પરેશ રાવલની જગ્યાએ પંકજ ત્રિપાઠી જોવા મળશે.
જોકે, ટીઝરમાં લોકોએ પરેશ રાવલને ઘણા મિસ કર્યા હતા. જોકે, આ ફિલ્મ ન કરવા પાછળ પરેશ રાવલે પોતે એક ઇન્ટરવ્યૂમાં કારણ જણાવ્યું હતું. તેમણે કહ્યું હતું કે, આ ફિલ્મની સ્ટોરી મને પસંદ ન આવી. તેમ જ આ રોલથી મને સંતોષ નહતો. એટલે જ મેં આ ફિલ્મ કરવાની ના પાડી દીધી હતી.
જો આ સોંગ વિશે વાત કરીએ તો અક્ષય હાથમાં ડમરુ સાથે શિવની જેમ ભસ્મ લગાવીને તાંડવ કરતો જોવા મળે છે. તેનો આ લુક ફેન્સને પસંદ આવી રહ્યો છે. 26 જુલાઈના રોજ ‘ઓહ માય ગોડ-2’ના બીજા ગીતનું મોશન પોસ્ટર રિલીઝ કરવામાં આવ્યું હતું. આ સાથે જ માહિતી આપવામાં આવી હતી કે ફિલ્મનું ગીત 27મીએ રિલીઝ થશે.
