અમેરિકા અને ઓસ્ટ્રેલિયા બાદ હવે આ દેશે પાકિસ્તાનમાં રહેતા નાગરિકોને સાવચેત રહેવા કહ્યું
- સાઉદી અરેબિયાએ તેના નાગરિકો માટે એડવાઈઝરી જારી કરી
- પાકિસ્તાનમાં નવા વર્ષની ઉજવણીને લઈને એડવાઈઝરી
- પાકિસ્તાનમાં સાવચેત રહેવા,મુસાફરી ઓછી કરવા કહ્યું
દિલ્હી:પાકિસ્તાનમાં નવા વર્ષની ઉજવણીને ધ્યાનમાં રાખીને સાઉદી અરેબિયાએ તેના નાગરિકો માટે એડવાઈઝરી જારી કરી છે.આ એડવાઈઝરીમાં કહેવામાં આવ્યું છે કે,સાઉદી અરેબિયાએ પોતાના નાગરિકોને નવા વર્ષમાં પાકિસ્તાનમાં સાવચેત રહેવા અને તેમની મુસાફરી ઓછી કરવા કહ્યું છે.સાઉદી અરેબિયાની આ એડવાઈઝરી પાકિસ્તાનમાં યુએસ એમ્બેસીના કર્મચારીઓ પર હુમલાની આશંકાથી આપવામાં આવી છે.એડવાઈઝરીમાં એમ પણ કહેવામાં આવ્યું છે કે, ઈસ્લામાબાદમાં સુરક્ષા હાઈ એલર્ટ પર છે અને નાગરિકોને કોઈ અસુવિધાનો સામનો કરવો પડે તો તેઓ દૂતાવાસનો સંપર્ક કરી શકે છે.
તાજેતરમાં જ અમેરિકાએ હુમલાના ડરથી તેના કર્મચારીઓને ઈસ્લામાબાદની મેરિયટ હોટલમાં જવા પર રોક લગાવી દીધી હતી.કેટલાક અન્ય દૂતાવાસોએ પણ રાજધાનીમાં તેમના સ્ટાફ અને નાગરિકોની અવરજવર પર થોડા સમય માટે, ખાસ કરીને 1 જાન્યુઆરી સુધી પ્રતિબંધ મૂક્યો છે.
અગાઉ,ઑસ્ટ્રેલિયાએ સોમવારે પાકિસ્તાનમાં તેના નાગરિકો માટે એક નવી ટ્રાવેલ એડવાઇઝરી જારી કરી, તેમને સાવચેતી રાખવા અને શહેરની અંદર મુસાફરી મર્યાદિત કરવા વિનંતી કરી. “ઈસ્લામાબાદમાં ઓસ્ટ્રેલિયન સત્તાવાળાઓને તકેદારી વધારવા અને શહેરની અંદર મુસાફરીને મર્યાદિત કરવાની સલાહ આપવામાં આવી છે.તમારે અત્યંત સાવધાની રાખવી જોઈએ અને નવીનતમ અપડેટ્સ માટે મીડિયાનું નિરીક્ષણ કરવું જોઈએ,” એડવાઈઝરીમાં જણાવ્યું હતું.
