ઈંગ્લેન્ડ ક્રિકેટ બોર્ડનો મહત્વનો નિર્ણય, ઈંગ્લેન્ડની ટીમનો બાંગ્લાદેશ પ્રવાસ રદ કરશે
- આઈપીએલમાં જોવા મળશે ઈંગ્લેન્ડના ખેલાડી
- ઈંગ્લેન્ડની ટીમનો બાંગ્લાદેશ પ્રવાસ રદ થશે
- ઈંગ્લેન્ડ ક્રિકેટ બોર્ડનો મહત્વનો નિર્ણય
મુંબઈ: આઈપીએલ-2021ની કેટલીક મેચ બાકી રહી ગઈ હતી જે હવે સપ્ટેમ્બરમાં રમાશે. આ ટુર્નામેન્ટમાં હવે ઈંગ્લેન્ડના ખેલાડીઓ પણ જોવા મળશે. મીડિયા રિપોર્ટ્સ અનુસાર, ઇંગ્લેન્ડના તમામ ખેલાડીઓ આ ટુર્નામેન્ટમાં ભાગ લેશે. અગાઉ, ઇસીબીએ કહ્યું હતું કે તેઓ ટી 20 વર્લ્ડકપ પહેલા આઇપીએલને બદલે તેમના ખેલાડીઓને તેમના દેશ માટે મેદાનમાં ઉતારશે. જો કોઈ ખેલાડી આરામ લે તો પણ તેને આઈપીએલમાં રમવા દેવામાં આવશે નહીં, પરંતુ હવે ઈંગ્લેન્ડ ક્રિકેટ બોર્ડે યુ-ટર્ન લીધો છે.
કોરોના વાયરસના કારણે IPL 2021 માત્ર 29 મેચો બાદ મુલતવી રાખવી પડી હતી. હવે બાકીની મેચોનું આયોજન યુએઈમાં કરવામાં આવશે.
મીડિયા રિપોર્ટ અનુસાર ઇંગ્લેન્ડ ક્રિકેટ બોર્ડ બાંગ્લાદેશ સામેની વનડે અને ટી 20 શ્રેણીને મુલતવી રાખીને આઇપીએલમાં તેના ખેલાડીઓને મોકલી શકે છે. ECBએ ટી 20 વર્લ્ડ કપને ધ્યાનમાં રાખીને આ નિર્ણય લીધો છે. હકીકતમાં, આઈપીએલ પછી તરત જ, ટી 20 વર્લ્ડ કપ 2021 યુએઈમાં જ યોજાવાનો છે. ઈસીબી ઈચ્છે છે કે, તેના ખેલાડીઓ આઈપીએલમાં શરતોને અનુરૂપ બને જેથી ટી -20 વર્લ્ડ કપ દરમિયાન તેમને કોઈ સમસ્યાનો સામનો ન કરવો પડે.
આગામી ટૂંક સમયમાં જ ટી 20 વર્લ્ડ કપ પણ રમાવાનો છે અને મોટા ભાગના દેશોની ટીમ તેને લઈને તૈયારીમાં પણ લાગી ચુકી છે.
