EDUCATIONગુજરાતી

ગુજરાતમાં ધો-12 વિજ્ઞાન પ્રવાહની ઉત્તરવહીઓ ઓનલાઈન ચેક થશેઃ શિક્ષણ બોર્ડનો નિર્ણય

અમદાવાદઃ ગુજરાતમાં આગામી મે મહિનામાં ધો-10 અને ધો-12ની બોર્ડની પરીક્ષા યોજાય તેવી શકયતા છે. જીપીએસસી અને જીટીયુ બાદ હવે શિક્ષણ બોર્ડ દ્વારા ધો-12 વિજ્ઞાન પ્રવાહની ઉત્તરવહીઓ ઓનલાઈન ચકાસવાનો નિર્ણય લીધો હોવાનું જાણવા મળે છે. શિક્ષણ બોર્ડ લગભગ ચારેક વર્ષથી ઓનલાઈન ચકાસણી માટેની સિસ્ટમ તૈયાર કરી રહ્યું હતું.

પ્રાપ્ત માહિતી અનુસાર ગુજરાત શિક્ષણ બોર્ડે ધોરણ 12 વિજ્ઞાન પ્રવાહની ઉત્તરવહી ઑનલાઈન ચકાસવાનો નિર્ણય કર્યો છે. જેના કારણો ટ્રાન્સપોર્ટનો ખર્ચ બચશે. એટલું જ નહીં પરિણામમાં પણ પારદર્શિતા આવશે. હાલ ધો-10 અને ધો-12ની બોર્ડની પરીક્ષા માટે શિક્ષણ બોર્ડ દ્વારા તૈયારીઓ કરવામાં આવી રહી છે. આગામી મે મહિનામાં બોર્ડની પરીક્ષા યોજાય તેવી શકયતા છે. બીજી તરફ કોરોનાનું સંક્રમણ ઘટતા ધો-10 અને ધો-12ના વિદ્યાર્થીઓને હવે ઓનલાઈનની સાથે સ્કૂલમાં પણ શિક્ષણ આપવામાં આવી રહ્યું છે. તેમજ આગામી દિવસોમાં ધો-9 અને ધો-11ના વર્ગો પણ શરૂ કરવામાં આવશે.

જીએસસીબીએ જણાવ્યું છે કે રેગ્યુલર ફી સાથે જ 21 જાન્યુઆરીથી 20 ફેબ્રુઆરી સુધી બોર્ડની વેબસાઈટ પર આવેદનપત્ર ભરી શકાશે. ધોરણ 12ના વિજ્ઞાન પ્રવાહના તમામ નિયમિત અને રિપિટર વિદ્યાર્થીઓએ ફરજિયાત ઓનલાઈન ફોર્મ ભરવા પડશે.

Related posts
Nationalગુજરાતી

ગરમી માટે રહેજો તૈયાર - માર્ચ મહિનામાં 40ને પાર પહોંચશે ગરમીનો પારો

માર્ચ મહિનાથી જ ગરમીનો પારો વધશે છેલ્લા કેટલાક વર્ષનો રેકોર્ડ તોડ્યો છે ગરમીએ અમદાવાદ – શિયાળાનો અંત આવતાની સાથે જ ગરમી શરુ…
Regionalગુજરાતી

નગરપાલિકા, જિલ્લા પંચાયત અને તાલુકા પંચાયતમાં પણ ભાજપ છવાયું, કોંગ્રેસ હાંસિયામાં ધકેલાયું

અમદાવાદઃ ગુજરાતમાં નગરપાલિકા, જિલ્લા પંચાયત અને તાલુકા પંચાયતની 8472 જેટલી બેઠકો માટે રવિવારે મતદાન યોજાયું હતું. જેની મતગણતરી હજુ સુધી ચાલી રહી…
BUSINESSગુજરાતી

નિર્દેશ બાદ મોબાઇલ કેટરિંગના તમામ કોન્ટ્રાક્ટ IRCTC રદ્દ કરશે

રેલ મંત્રાલયે IRCTCને એક મોટો નિર્દેશ જારી કર્યો છે આ નિર્દેશ બાદ મોબાઇલ કેટરિંગના તમામ કોન્ટ્રાક્ટ રદ કરશે IRCTC મદ્રાસ હાઇકોર્ટમાં આને…

Leave a Reply