મુંબઈ:ઓસ્ટ્રેલિયા સિરીઝ માટે ટીમ ઈન્ડિયાએ તૈયારીઓ શરૂ કરી દીધી છે.ભારતીય ટીમે કેપ્ટન રોહિત શર્મા અને કોચ રાહુલ દ્રવિડના નેતૃત્વમાં પ્રેક્ટિસ શરૂ કરી દીધી છે અને ટીમના તમામ ખેલાડીઓ પરસેવો પાડી રહ્યા છે.સિરીઝ પહેલા ભારતીય ટીમે એક મોટો નિર્ણય લીધો છે અને ટીમમાં ચાર ખેલાડીઓને જોડવામાં આવ્યા છે.
રિપોર્ટ અનુસાર, BCCIએ વોશિંગ્ટન સુંદર, સૌરભ કુમાર, સાંઈ કિશોર અને રાહુલ ચહરને ટીમ ઈન્ડિયા સાથે જોડ્યા છે.આ તમામને નેટ બોલર તરીકે ટીમ સાથે રાખવામાં આવ્યા છે, જેઓ આખી સિરીઝ માટે ટીમ ઈન્ડિયા સાથે રહેશે.
ભારત અને ઓસ્ટ્રેલિયા વચ્ચે 4 ટેસ્ટ સિરીઝ થવાની છે, જેમાં સ્પિનરોનો દબદબો જોવા મળશે. એક તરફ ઓસ્ટ્રેલિયા ભારતીય સ્પિનરોને ટક્કર આપવા માટે તૈયારી કરી રહ્યું છે તો બીજી તરફ ટીમ ઈન્ડિયાએ પણ તૈયારીઓ શરૂ કરી દીધી છે.
નેટ સ્પિનરો તરીકે જે ખેલાડીઓ ઉમેરવામાં આવ્યા છે તે તમામ સ્પિનરો છે.જ્યારે ભારત પાસે જયદેવ ઉનડકટ, મોહમ્મદ શમી, મોહમ્મદ સિરાજ, ઉમેશ યાદવ જેવા ચાર ફાસ્ટ બોલર પણ છે જે પ્રેક્ટિસ અને મેચ બંનેમાં ઉપયોગી થઈ શકે છે.સ્પિનરોની વાત કરીએ તો ટીમમાં રવિચંદ્રન અશ્વિન, રવિન્દ્ર જાડેજા, અક્ષર પટેલ અને કુલદીપ યાદવનો પણ સમાવેશ થાય છે.એટલે કે પ્રેક્ટિસ દરમિયાન ભારત પાસે કુલ 8 સ્પિનરો હશે, આવી સ્થિતિમાં બેટ્સમેનોને તૈયારી કરવાની ઘણી તક મળશે.
ઓસ્ટ્રેલિયાનો ભારત પ્રવાસ (ટેસ્ટ સિરીઝ શેડ્યૂલ):પ્રથમ ટેસ્ટ – 9 થી 13 ફેબ્રુઆરી, નાગપુરબીજી ટેસ્ટ – 17 થી 21 ફેબ્રુઆરી, દિલ્હીત્રીજી ટેસ્ટ – 1 થી 5 માર્ચ, ધર્મશાલાચોથી ટેસ્ટ – 9 થી 13 માર્ચ, અમદાવાદ
