સ્વતંત્ર દિવસને લઈને રાજધાની સતર્ક, 16 ઓગસ્ટ સુધી ડ્રોન, પેરા ગ્લાઇડિંગ જેવી ઉડાન પર પ્રતિબંધ
દિલ્હીઃ- હવે સ્વતંત્રતા દિવસને એક મહિનાથી પણ ઓછો સમય બચ્યો છે ત્યારે દેશની રાજઘાની દિલ્હી અત્યારથી જ સતર્ક બની છે અનેક પાબંધિઓ પણ લગાવી છે સાથે જ સુરક્ષાને લઈને પુરતુ ધ્યાન આપવામાં આવી રહ્યું છે.
જાણકારી પ્રમાણે 15 ઓગસ્ટના રોજ સ્વતંત્રતા દિવસને ધ્યાનમાં રાખીને પોલીસે દિલ્હીમાં સુરક્ષાને લગતી તૈયારીઓ શરૂ કરી દીધી છે. દિલ્હી પોલીસે એક એડવાઈઝરી જારી કરીને જણાવ્યું છે કે, રાષ્ટ્રીય રાજધાનીના આકાશમાં ‘પેરાગ્લાઈડર’, ‘હેંગ-ગ્લાઈડર્સ’ અને ‘હોટ એર બલૂન’ વગેરેના ઉડ્ડયન પર 22 જુલાઈથી 16 ઓગસ્ટ સુધી પ્રતિબંધ મૂકવામાં આવ્યો છે.
આ સહીત નિર્દેશો આપતાં દિલ્હી પોલીસ કમિશનર એ જણાવ્યું હતું કે, એવી માહિતી આપવામાં આવી છે કે ગુનેગારો, અસામાજિક તત્વો અથવા ભારત વિરોધી આતંકવાદીઓ પેરાગ્લાઈડર, પેરા-મોટર, હેંગ-ગ્લાઈડર, માનવરહિત હવાઈ વાહનો , રિમોટ પાયલોટેડ એરક્રાફ્ટ, એરક્રાફ્ટ, એરક્રાફ્ટ વગેરેનો ઉપયોગ કરીને સામાન્ય લોકો, પ્રતિષ્ઠિત વ્યક્તિઓ અને મહત્વપૂર્ણ સંસ્થાઓની સુરક્ષા માટે જોખમ ઊભું કરી શકે છે.
દિલ્હી પોલીસ કમિશનરે સ્વતંત્રતા દિવસના અવસરે રાષ્ટ્રીય રાજધાનીમાં આવી વસ્તુઓના ઉડ્ડયન પર પ્રતિબંધ મૂક્યો છે અને તેનું કોઈપણ ઉલ્લંઘન ભારતીય દંડ સંહિતાની કલમ 188 હેઠળ કાર્યવાહીને આકર્ષિત કરશે, આદેશમાં કહેવામાં આવ્યું છે કે આ આદેશ શનિવારથી 16 ઓગસ્ટ સુધી અમલમાં રહેશે તે 26 દિવસની અવધિ માટે પ્રભાવી રહેશે.
