દિલ્હી:દેશમાં હજુ પણ કોરોનાના કેસ જોવા મળે છે. હજુ સાવ કોરોના ગયો નથી.ત્યાં હવે અમેરિકાના સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) એ ચેતવણી આપી છે કે દેશમાં કોરોના સંક્રમણને કારણે હોસ્પિટલમાં દાખલ દર્દીઓની સંખ્યામાં વધારો થયો છે.આંકડા અનુસાર, ડિસેમ્બર 2022ની સરખામણીમાં હોસ્પિટલમાં દાખલ દર્દીઓની સંખ્યામાં 10 ટકાનો ઉછાળો આવ્યો છે. 15 જુલાઈ સુધી અમેરિકામાં કોરોના સંક્રમણને કારણે 7100 દર્દીઓ દાખલ થયા હતા. જ્યારે અગાઉના સપ્તાહમાં આ આંકડો 6444 હતો.
અમેરિકામાં કોરોના ઇમરજન્સી રૂમમાં આવતા દર્દીઓની સંખ્યામાં પણ ગયા મહિનાની સરખામણીએ વધારો થયો છે. આવી સ્થિતિમાં અમેરિકામાં કોરોનાની નવી લહેરની આશંકા છે. આરોગ્ય વિભાગે ચેતવણી જાહેર કરી છે.
સીડીસીના કોરોના ઓફિસર ડૉ. બ્રેન્ડન જેક્સનનું કહેવું છે કે છ-સાત મહિનાના ઘટાડા બાદ ફરીથી કોરોનાના કેસમાં વધારો થયો છે. ડૉ. જેક્સને કહ્યું કે આ સમર વેવની શરૂઆત હોઈ શકે છે.
એશિયામાં કોરોનાના મ્યુટેજેનિક પેટાપ્રકારના ઉદભવને કારણે પણ ચિંતા વધી છે. જો કે અમેરિકામાં હજુ પણ ઘણા લોકો છે જેઓ તેનાથી ચિંતિત નથી. સીડીસીના પ્રવક્તા કેથલીન કોનલીએ કહ્યું કે, છેલ્લા એક સપ્તાહમાં કોરોના ગતિવિધિઓ વધી છે. જોકે ચેપના કેસ હજુ પણ ઘણા ઓછા છે. મૃત્યુઆંકમાં પણ ઘટાડો જોવા મળી રહ્યો છે.
એનવાયયુ લેંગોન મેડિકલ સેન્ટરના મેડિસિન વિભાગના પ્રોફેસર ડૉ. માર્ક સિગેલ કહે છે કે આ સમર વેવની શરૂઆત હોઈ શકે છે, તેથી તેમણે દરેકને સલાહ આપી છે, ખાસ કરીને ઉચ્ચ જોખમ ધરાવતા લોકોને XBB સબવેરિયન્ટનો બૂસ્ટર ડોઝ લાગુ કરવાની સલાહ આપી છે.
