1. Home
  2. ગુજરાતી
  3. કોરોનાનો કહેરઃ બફરઝોનમાં ઉત્તર ગુજરાતના સાત ગામ, સમિતિની કરાઈ રચના
કોરોનાનો કહેરઃ બફરઝોનમાં ઉત્તર ગુજરાતના સાત ગામ, સમિતિની કરાઈ રચના

કોરોનાનો કહેરઃ બફરઝોનમાં ઉત્તર ગુજરાતના સાત ગામ, સમિતિની કરાઈ રચના

0

અમદાવાદઃ ઉત્તર ગુજરાતમાં કોરોના વાયરસના કેસ વધી રહ્યાં છે. ત્યારે ઊંઝાના 7 ગામોને બફર ઝોન જાહેર કરી દેવામાં આવ્યા છે. પાટણના કોરોના ગ્રસ્ત નેદ્રાને અડીને આવેલા ઉંઝાના 7 ગામને બફરઝોન જાહેર કરવામાં આવતા લોકોમાં ચિંતાનો વિષય બન્યો છે.

ઊંઝાના વરવાડા, બ્રાહ્મણવાડા, વિશોળ, લિંડી, કહોડા, ખટાસણા અને જગન્નાથપુરા ગામને બફરઝોનમાં મુકવામાં આવ્યા છે. તેમજ આ ગામમાં આવતા તમામ વાહન ઉપર પણ પ્રતિબંધ મુકવામાં આવ્યો છે અને માત્ર એમ્બ્યુલન્સ અને સ્મશાનના વાહનોને છૂટ આપવામાં આવી છે. આ ગામોમાં ખાસતો સિદ્ધપુર તરફથી તમામ વાહન વ્યવહારને બંધ કરાયો છે. સાથે જ 7 ગામોના સરપંચના અધ્યક્ષ પદે પણ સમિતિ બનાવામાં આવી છે.

ઉલ્લેખનીય છે કે, ઉત્તર ગુજરાતમાં કોરોનાને કારણે પ્રથમ મોત થયુ છે. તેમજ કોરોનાના પોઝિટિવ કેસની સંખ્યા પાટણમાં વધુ હોવાથી, ત્યાં સંક્રમણ વધે તેવી સંભાવના છે. જેથી બનાસકાંઠા પાટણ જિલ્લા અડીને આવેલ હોવાથી બનાસકાંઠા પાટણના મુખ્ય પ્રવેશમાર્ગ સીલ કરી દેવામાં આવ્યો છે.

LEAVE YOUR COMMENT

Your email address will not be published.