કોરોનાની સાથે દિલ્હીમાં ડેન્ગ્યુનો પગ પેસારો,અત્યાર સુધીમાં આટલા કેસ નોંધાયા
- કોરોનાની સાથે ડેન્ગ્યુની દસ્તક
- એક સપ્તાહમાં એક કેસ નોંધાયો
- અત્યાર સુધીમાં 82 કેસ નોંધાયા
દિલ્હી:રાજધાની દિલ્હીમાં છેલ્લા 24 કલાકમાં કોવિડ-19ના 1,422 નવા કેસ નોંધાયા છે, જેના કારણે દૈનિક હકારાત્મકતા દર પણ 5.34 ટકા નોંધાયો છે. દિલ્હીમાં છેલ્લા એક સપ્તાહમાં ડેન્ગ્યુનો વધુ એક કેસ નોંધાયો હતો અને આ વર્ષે અત્યાર સુધીમાં 82 કેસ નોંધાયા છે.રાજધાનીમાં કોરોના કેસની સાથે સાથે ડેન્ગ્યુના કેસ પણ ઝડપથી વધવા લાગ્યા છે. દિલ્હીમાં અત્યાર સુધીમાં ડેન્ગ્યુના 82 કેસ નોંધાયા છે.
દિલ્હીમાં છેલ્લા એક સપ્તાહમાં ડેન્ગ્યુનો વધુ એક કેસ નોંધાયો હતો અને આ વર્ષે અત્યાર સુધીમાં 82 કેસ નોંધાયા છે.દક્ષિણ દિલ્હી મ્યુનિસિપલ કોર્પોરેશનના અહેવાલ મુજબ, આ વર્ષે 30 એપ્રિલ સુધી શહેરમાં ડેન્ગ્યુના 81 કેસ નોંધાયા છે.આ વર્ષે આ રોગથી કોઈનું મૃત્યુ થયું નથી.રિપોર્ટ અનુસાર જાન્યુઆરીમાં દિલ્હીમાં ડેન્ગ્યુના 23 કેસ નોંધાયા હતા.
ફેબ્રુઆરીમાં 16, માર્ચમાં 22, એપ્રિલમાં 20 અને મે મહિનામાં અત્યાર સુધીમાં 16 કેસ નોંધાયા છે.સામાન્ય રીતે આ મચ્છરજન્ય રોગના કેસ જુલાઇ અને નવેમ્બરની વચ્ચે નોંધાય છે,પરંતુ આ સમયગાળો ડિસેમ્બરના મધ્ય સુધી લંબાઇ શકે છે. કોર્પોરેશનના અધિકારીઓએ જણાવ્યું હતું કે,આ વર્ષે મચ્છરોના પ્રજનન માટે અનુકૂળ હવામાનને કારણે ડેન્ગ્યુના કેસો ટૂંક સમયમાં સામે આવી રહ્યા છે.