ચેન્નાઈ, 11 ઓક્ટોબર 2026: વડાપ્રધાન નરેન્દ્ર મોદીએ રવિવારે ચેન્નાઈ મેટ્રો ફેઝ-2 હેઠળ અંદાજે 4,900 કરોડના ખર્ચે નિર્મિત પૂનમલ્લી-વડાપલાની સેક્શનનું ઉદ્ઘાટન કર્યું. ઉદ્ઘાટન સમારોહ દરમિયાન, તમિલનાડુના મુખ્યમંત્રી સી. જોસેફ વિજય સાથે વડાપ્રધાન મોદીએ પોરુર બાયપાસ સ્ટેશનથી પૂનમલ્લી બાયપાસ સ્ટેશન સુધી મેટ્રોમાં મુસાફરી પણ કરી હતી.
વડાપ્રધાન મોદીએ તમિલનાડુમાં મેટ્રો રેલ, હાઈવે, રેલવે, બંદરો, પેટ્રોલિયમ અને શિક્ષણ જેવા ક્ષેત્રોમાં 13,000 કરોડથી વધુના મૂલ્યના વિકાસ કાર્યોનો શિલાન્યાસ કર્યો.
3,700 કરોડનો હાઈવે…
વડાપ્રધાન મોદીએ અંદાજે 3,700 કરોડના મૂલ્યના મુખ્ય રાષ્ટ્રીય ધોરીમાર્ગ પ્રોજેક્ટ્સનો શિલાન્યાસ કર્યો. આ પ્રોજેક્ટ્સ રાજ્યમાં માર્ગ જોડાણને મજબૂત બનાવશે, મુસાફરીનો સમય ઘટાડશે, ટ્રાફિકની સમસ્યા હળવી કરશે અને આર્થિક વિકાસને વેગ આપશે.
વડાપ્રધાને NH-744 ના 36 કિમી લાંબા, ફોર-લેન વડુગાપટ્ટી-થેરકુવેંગનાલ્લુર વિભાગનું ઉદ્ઘાટન કર્યું. આ પ્રોજેક્ટથી આ વિસ્તારના મુખ્ય તીર્થસ્થાનો તેમજ ઔદ્યોગિક અને વ્યાપારી કેન્દ્રો સાથેની કનેક્ટિવિટીમાં સુધારો થશે, જેનાથી લોકો અને માલસામાનની અવરજવર સરળ બનશે.
મદુરાઈ રિંગ રોડના વિભાગનું ઉદ્ઘાટન
વડાપ્રધાન મોદીએ NH-744A ના 30 કિલોમીટર લાંબા, ચાર-લેનવાળા મદુરાઈ રિંગ રોડ વિભાગનું પણ ઉદ્ઘાટન કર્યું. એક અખબારી યાદી અનુસાર, આ પ્રોજેક્ટ મદુરાઈની આસપાસ વાહનવ્યવહારની અવરજવરમાં સુધારો કરશે અને શહેરની અંદર ટ્રાફિકની સમસ્યા ઘટાડવામાં મદદ કરશે.
વડાપ્રધાને NH-83 ના નાગપટ્ટનમ-થંજાવુર સેક્શન પર ચાર-માર્ગીય તિરુવારુર બાયપાસનો શિલાન્યાસ કર્યો. આ પ્રોજેક્ટ તિરુવારુરમાં માર્ગ જોડાણને મજબૂત બનાવશે અને શહેરની આસપાસ વૈકલ્પિક માર્ગ પૂરો પાડીને વાહનવ્યવહારને સરળ બનાવશે.
વડાપ્રધાન મોદીએ 750 કરોડથી વધુના રેલવે માળખાગત પ્રોજેક્ટ્સનું પણ ઉદ્ઘાટન કર્યું. વડાપ્રધાને કારાઈકલ-પેરાલમ રેલવે લાઇન રાષ્ટ્રને સમર્પિત કરી; આનાથી આ વિસ્તારમાં રેલ સંપર્ક વ્યવસ્થા વધુ મજબૂત બનશે.
તેમણે કોઇમ્બતુર અને તેની આસપાસના વિસ્તારોમાં ત્રણ રેલવે ફ્લાયઓવર પણ રાષ્ટ્રને સમર્પિત કર્યા. આનાથી વ્યસ્ત લેવલ ક્રોસિંગ પર ટ્રાફિકની સમસ્યા ઘટશે, રાહ જોવાનો સમય ઓછો થશે અને મુસાફરો માટે માર્ગ સુરક્ષામાં સુધારો થશે.
- રેલ્વે પ્રોજેક્ટ્સ – 5 પુનઃવિકાસિત અમૃત સ્ટેશનો (પલાની, વેલ્લોર કેન્ટ, અંબાસમુદ્રમ, પરમકુડી, નમક્કલ) નું ઉદ્ઘાટન કર્યું.
- ચેન્નાઈ બંદરના સ્ટોરેજ યાર્ડ, ચાર EXIM વેરહાઉસ, અદ્યતન ક્રૂઝ ટર્મિનલ અને સીફેરર્સ ક્લબનું ઉદ્ઘાટન કર્યું.
- વી.ઓ. ચિદમ્બરનાર અને કામરાજર બંદરો: 8 વિકાસ પ્રોજેક્ટ્સ અને કોલ બર્થ-૩નું ઉદ્ઘાટન કર્યું, તથા કામરાજર બંદર ખાતે ‘કેપિટલ ડ્રેજિંગ’ (ઊંડાઈ વધારવાની કામગીરી) માટે શિલાન્યાસ કર્યો.
- CPCL રિફાઇનરી – ₹1,620 કરોડના લ્યુબ ઓઇલ બેઝ સ્ટોક્સ (LOBS) પ્રોજેક્ટનો શિલાન્યાસ કરવામાં આવ્યો.
- IIT મદ્રાસ-સુધા ગોપાલકૃષ્ણન બ્રેઈન સેન્ટર (SGBC) જે વૈશ્વિક 3D બ્રેઈન મેપિંગ મિશન છે અને ‘C-STROKE’ સ્ટ્રોક એટલાસનો શુભારંભ.
વધુ વાંચો: કેરળમમાં ગમખ્વાર અકસ્માત: બેકાબૂ કારે ટૂ-વ્હીલરને મારી જોરદાર ટક્કર, 3નાં કરુણ મોત
