- શિલ્પા શેટ્ટી લાંબા સમય પછી મોટા પડદા પર કરી રહી છે વાપસી
- આ ફિલ્મમાં તેના અલગ-અલગ અવતાર જોવા મળશે
- શિલ્પા શેટ્ટી છેલ્લે ફિલ્મ હંગામા 2માં જોવા મળી હતી.
મુંબઈ:બોલિવૂડ અભિનેત્રી શિલ્પા શેટ્ટીએ છેલ્લા કેટલાક દિવસોથી સોશિયલ મીડિયાથી અંતર બનાવી રાખ્યું હતું, પરંતુ હવે તે ફરી સુપરવુમન અવતારમાં આવી ગઈ છે. શિલ્પા શેટ્ટીએ તેની ફિલ્મ ‘નિકમ્મા’નું ટીઝર તેના સોશિયલ મીડિયા એકાઉન્ટ પર પોસ્ટ કર્યું છે.આમાં તે એક સુપર વુમન તરીકે જોવા મળી રહી છે.
આ ફિલ્મનું નિર્દેશન સબ્બીર ખાને કર્યું છે.શિલ્પાની બહેન શમિતા શેટ્ટીએ આ પોસ્ટ પર કોમેન્ટ કરી અને લખ્યું, હોટનેસ પર્સનાલિટી!
શિલ્પા પાસે પ્રોજેક્ટ્સની કોઈ કમી નથી. ફિલ્મ ‘નિકમ્મા’ બાદ તે ‘સુખી’ ફિલ્મની તૈયારી શરૂ કરશે. ફેન્સ તેમના ફેવરિટ સ્ટારને મોટા પડદા પર જોવાની રાહ જોઈ રહ્યા છે. ભૂતકાળમાં તે મોટા પડદા પર પરત ફરે તેવી અપેક્ષા હતી પરંતુ પ્રિયદર્શનની ફિલ્મ ‘હંગામા 2’, જેમાં શિલ્પા મુખ્ય ભૂમિકામાં હતી, કોરોના મહામારીની ત્રીજી લહેરને કારણે રિલીઝ થઈ શકી ન હતી. આખરે, હવે તે ‘નિકમ્મા’ દ્વારા મોટા પડદા પર પરત ફરવાની આશા રાખે છે.
