G20 નેતાઓએ મહાત્મા ગાંધીને આપી શ્રદ્ધાંજલિ,’લીડર્સ લાઉન્જ’માં ‘શાંતિ દિવાર’ પર હસ્તાક્ષર પણ કર્યા
- આજે G20 સમિટનો બીજો દિવસ
- બીજા દિવસે સમિટનું ત્રીજું સત્ર ‘વન ફ્યુચર’ યોજાશે
- G20 નેતાઓએ મહાત્મા ગાંધીને આપી શ્રદ્ધાંજલિ
દિલ્હી:રવિવારે એટલે કે આજે G20 સમિટનો બીજો દિવસ છે. નવી દિલ્હી ઘોષણાપત્ર પર પહેલા જ દિવસે સર્વસંમતિ સધાઈને ઈતિહાસ રચાયો છે. આ વખતે જી-20 સમિટ પણ અત્યાર સુધીની સૌથી સફળ સમિટ બની છે. અગાઉની સમિટની સરખામણીમાં આમાં વધુ કામ કરવામાં આવ્યું છે. બીજા દિવસે સમિટનું ત્રીજું સત્ર ‘વન ફ્યુચર’ યોજાશે. આ કાર્યક્રમ ભારત મંડપમમાં યોજાશે.
વડાપ્રધાન નરેન્દ્ર મોદીએ રવિવારે સવારે રાજઘાટ પર G20 નેતાઓનું સ્વાગત કર્યું, જ્યાં તેમણે રાષ્ટ્રપિતા મહાત્મા ગાંધીને શ્રદ્ધાંજલિ આપી. યુનાઈટેડ નેશન્સ સેક્રેટરી જનરલ એન્ટોનિયો ગુટેરેસ અને ઈન્ટરનેશનલ મોનેટરી ફંડ (આઈએમએફ)ના વડા ક્રિસ્ટાલિના જ્યોર્જિવા રાજઘાટ પહોંચનારાઓમાં સૌથી પહેલા હતા. PM મોદીએ G20 નેતાઓનું ‘અંગરખા’ પહેરાવીને સ્વાગત કર્યું. G20 નેતાઓએ મહાત્મા ગાંધીને શ્રદ્ધાંજલિ આપ્યા બાદ ‘લીડર્સ લાઉન્જ’માં ‘શાંતિ દિવાર’ પર હસ્તાક્ષર કર્યા.
World leaders visit Rajghat, pay tributes to Mahatma Gandhi. #G20India https://t.co/yZ1cjslKyV
— BJP (@BJP4India) September 10, 2023
રાષ્ટ્રપતિ દ્રૌપદી મુર્મુએ શનિવારે સમિટ સ્થળ ‘ભારત મંડપમ’ ખાતે G20 મહેમાનો માટે ગાલા ડિનરનું આયોજન કર્યું હતું, જ્યાં બાજરી અને કાશ્મીરી કહવામાંથી બનાવેલી વાનગીઓ પીરસવામાં આવી હતી.રાષ્ટ્રપતિ દ્રૌપદી મુર્મુ અને વડા પ્રધાન નરેન્દ્ર મોદીએ રાત્રિભોજનની શરૂઆત પહેલાં એક મંચ પર મહેમાનોનું સ્વાગત કર્યું, પૃષ્ઠભૂમિમાં બિહારના નાલંદા મહાવિહાર (નાલંદા યુનિવર્સિટી)ની તસવીર સાથે ભારતની અધ્યક્ષતામાં G20 ની થીમ સાથે – ‘વસુધૈવ. ‘કુટુમ્બકમ’ – ‘એક પૃથ્વી, એક પરિવાર, એક ભવિષ્ય’ દર્શાવવામાં આવ્યું હતું. G20 સમિટ શનિવારે ભારત મંડપમ ખાતે શરૂ થઈ હતી અને રવિવારે સમાપ્ત થશે.
