નવી દિલ્હી: ગોવા નાઈટક્લબમાં થયેલી ભયાનક આગના આરોપી લુથરા બંધુઓ ટૂંક સમયમાં ભારત આવશે. થાઈલેન્ડમાં તેમના પ્રત્યાર્પણની પ્રક્રિયા પૂર્ણ થઈ ગઈ છે. થાઇલેન્ડે લુથરા બંધુઓને ભારતને સોંપી દીધા છે. સીબીઆઈની એક ટીમ તેમની સાથે પરત ફરી રહી છે.
6 ડિસેમ્બરની રાત્રે, ગોવાના આર્પોરામાં એક નાઈટક્લબમાં ભીષણ આગ લાગી હતી, જેમાં પાંચ પ્રવાસીઓ સહિત 25 લોકો માર્યા ગયા હતા. ઘટના સમયે લુથરા બંધુઓ દિલ્હીમાં હતા અને ઘટના પછી તરત જ તેઓ દિલ્હીથી થાઇલેન્ડ ભાગી ગયા હતા.
લુથરા બંધુઓ સામે FIR દાખલ
લુથરા બંધુઓ વિરુદ્ધ સદોષ હત્યા અને બેદરકારીનો કેસ દાખલ કરવામાં આવ્યો છે. ઘટનાની રાત્રે, તેઓ દિલ્હીમાં એક લગ્નમાં હાજરી આપી રહ્યા હતા. ક્લબમાં આગ લાગવાની જાણ થતાં, તેઓ ઇન્ડિગો ફ્લાઇટમાં થાઇલેન્ડ ભાગી ગયા.