હાર્ટ એટેક સામે રક્ષણ કેવી રીતે મેળવવું,આ છે તે માટેની બે રીત
અત્યારના સમયમાં લોકોને હાર્ટને લગતી સમસ્યાઓ વધારે હોય છે. લોકોને હાર્ટ એટેક આજના સમયમાં હાલતાને ચાલતા આવી જતો હોય છે તો આવામાં આ સમસ્યાથી બચીને રહેવા માટે કેટલાક પ્રકારના પગલા લેવા જોઈએ. WHO મુજબ, વિશ્વભરમાં દર વર્ષે 17.9 મિલિયન લોકો હૃદય રોગને કારણે મૃત્યુ પામે છે.
જો હૃદયમાં 60 ટકા બ્લોકેજ હોય તો પણ ECG સામાન્ય થઈ શકે છે. આવી સ્થિતિમાં, આ સામાન્ય પરીક્ષણો પર સંપૂર્ણપણે નિર્ભર ન રહેવું મહત્વપૂર્ણ છે અને હૃદયની સ્થિતિ જાણવા માટે, આ બે પરીક્ષણો કરાવો. તેનાથી હૃદયની કોઈપણ સમસ્યા વિશે સચોટ માહિતી મળશે.
કોરોનરી સીટી એનજીઓ ટેસ્ટ એ એક્સ-રે ટેસ્ટનો એક પ્રકાર છે. આ ટેસ્ટમાં હૃદયની ધમનીમાં બ્લોકેજ વિશે સચોટ માહિતી આપવામાં આવે છે. આ ટેસ્ટમાં હ્રદયની ધમનીઓની તસવીર ખૂબ જ સ્પષ્ટ રીતે જોવા મળે છે. જો કોઈની ધમનીમાં અવરોધ છે, તો તેની ઓળખ કરવામાં આવે છે, જેથી સમયસર સારવાર શરૂ કરી શકાય.
ટ્રેડમિલ ટેસ્ટમાં ડૉક્ટર એક્સરસાઇઝ દરમિયાન હાર્ટ કેવી રીતે કામ કરી રહ્યું છે તેની તપાસ કરે છે. જો કસરત દરમિયાન હૃદયના કાર્યમાં થોડો ઘટાડો થાય છે, તો તે હૃદય રોગ હોવાનું નિદાન થાય છે.
