જો શરીરમાં આ પ્રકારે ફેરફાર દેખાય તો સમજી જજો,કોલેસ્ટ્રોલ વધી રહ્યું છે
જે રીતે શરીર માટે ડાયાબિટીસ અને બ્લડ પ્રેશરની સમસ્યા જોખમી છે તે રીતે અન્ય કેટલીક બીમારીઓ પણ શરીર માટે જોખમી સાબિત થઈ શકે છે. આવામાં જો વાત કરવામાં આવે કોલેસ્ટ્રોલની તો આ સમસ્યા એવી છે કે જે થતા પહેલા શરીરને કેટલાક સંકેત આપે છે.
લોકોએ સમજવું જોઈએ કે જ્યારે તમારા પગ સુન્ન થવા લાગે તો તેને હળવાશથી ન લો, તે હાઈ કોલેસ્ટ્રોલની નિશાની હોઈ શકે છે. આનો અર્થ એ છે કે ધમનીઓ દ્વારા રક્ત પ્રવાહ અને ઓક્સિજનના પુરવઠામાં અવરોધ છે. પગમાં આ દુખાવો અને તેમના સુન્નતાને લીધે, કળતર અનિવાર્ય છે.
આ ઉપરાંત હાઈ બ્લડ પ્રેશરનો સીધો સંબંધ શરીરમાં ખરાબ કોલેસ્ટ્રોલ વધવા સાથે છે. લોહીમાં જેટલી વધુ ચરબી વધશે તેટલું જ બ્લડપ્રેશર વધશે. આનું કારણ એ છે કે જ્યારે કોલેસ્ટ્રોલના કારણે રક્ત પુરવઠામાં અવરોધ આવે છે, ત્યારે ધમનીઓએ હૃદયને લોહી પંપ કરવા માટે વધુ મહેનત કરવી પડે છે.
શરીરમાં ખરાબ કોલેસ્ટ્રોલનું પ્રમાણ વધી જાય છે, ત્યારે તમારી ધમનીઓમાં ચરબી જમા થવા લાગે છે, જે નસોમાં લોહીના પ્રવાહને અવરોધે છે. આંગળીઓ અને અંગૂઠામાં યોગ્ય રક્ત પુરવઠાના અભાવને કારણે, નખનો રંગ આછા ગુલાબીથી પીળો થવા લાગે છે. કોલેસ્ટ્રોલ વધવાના આ સંકેતને બિલકુલ અવગણશો નહીં.
