વેનેઝુએલા અને રશિયા પાસેથી તેલ ખરીદી અંગેની અટકળો પર ભારત સરકારની પ્રતિક્રિયા
નવી દિલ્હી, 05 ફેબ્રુઆરી 2026: ભારત સરકારે વેનેઝુએલા અને રશિયા પાસેથી તેલ ખરીદવાની અટકળોનો જવાબ આપ્યો છે. વિદેશ મંત્રાલયના પ્રવક્તા રણધીર જયસ્વાલે જણાવ્યું હતું કે, “સરકારે અનેક વખત જાહેરમાં કહ્યું છે કે 1.4 અબજ ભારતીયોની ઊર્જા સુરક્ષા સુનિશ્ચિત કરવી એ અમારી સરકારની ટોચની પ્રાથમિકતા છે.”
રણધીર જયસ્વાલે જણાવ્યું હતું કે, “બજારની ઉદ્દેશ્યપૂર્ણ પરિસ્થિતિઓ અને બદલાતા આંતરરાષ્ટ્રીય વાતાવરણને ધ્યાનમાં રાખીને, આપણા ઉર્જા સ્ત્રોતોનું વૈવિધ્યકરણ એ અમારી વ્યૂહરચનાનો મુખ્ય ભાગ છે. ભારતમાં બધા નિર્ણયો આને ધ્યાનમાં રાખીને લેવામાં આવ્યા છે અને લેવામાં આવશે.
ટ્રમ્પે શું કહ્યું?
અમેરિકાના રાષ્ટ્રપતિ ડોનાલ્ડ ટ્રમ્પે તાજેતરમાં ભારત-અમેરિકા વેપાર કરારની જાહેરાત કરી હતી. તેમણે પોતાના સોશિયલ મીડિયા પ્લેટફોર્મ, ટ્રુથ સોશિયલ પર પોસ્ટ કર્યું હતું કે અમેરિકા હવે ભારતમાંથી આયાત થતા માલ પર 18 ટકા ટેરિફ લાદશે.
ટ્રમ્પે એવો પણ દાવો કર્યો હતો કે ભારત રશિયા પાસેથી તેલ ખરીદવાનું બંધ કરવા સંમત થયું છે અને તેના બદલે તે પોતાની જરૂરિયાતો માટે વેનેઝુએલા પાસેથી તેલ ખરીદશે. ભારતે હવે આ દાવા અંગે ઉઠાવવામાં આવેલા પ્રશ્નોના જવાબ આપ્યા છે.
વેનેઝુએલા વિશે વિદેશ મંત્રાલયે શું કહ્યું?
વિદેશ મંત્રાલયના પ્રવક્તા રણધીર જયસ્વાલે વેનેઝુએલા પર ટિપ્પણી કરી. તેમણે કહ્યું, “જ્યાં સુધી વેનેઝુએલાનો સવાલ છે, તે ઊર્જા ક્ષેત્રમાં અમારું લાંબા સમયથી ભાગીદાર રહ્યું છે, પછી ભલે તે વેપાર હોય કે રોકાણ.”
વધુ વાંચો: T20 વિશ્વકપઃ ભારત મુદ્દે પાકિસ્તાનની નીતિ પર બાંગ્લાદેશ ભડક્યું
ટ્રેડ ડીલથી શું ફાયદો?
રણધીર જયસ્વાલે કહ્યું, “વડાપ્રધાનએ રાષ્ટ્રપતિ ટ્રમ્પ સાથે ટેલિફોન પર વાત કરી. તે કોલ અને રાષ્ટ્રપતિ ટ્રમ્પના ટ્વીટ પછી, પ્રધાનમંત્રીએ પરસ્પર ટેરિફમાં ઘટાડા બદલ રાષ્ટ્રપતિ ટ્રમ્પનો આભાર માન્યો.” પ્રધાનમંત્રીએ કહ્યું કે હવે મેડ-ઇન-ઇન્ડિયા ઉત્પાદનો 18% ઓછા ટેરિફ પર અમેરિકામાં નિકાસ કરવામાં આવશે.
તેમણે કહ્યું, “આ વેપાર કરાર અમેરિકામાં આપણી નિકાસને મોટો વેગ આપશે. તે ભારતમાં શ્રમ-સઘન ઉદ્યોગોને પણ મોટો વેગ આપશે, રોજગારની નવી તકો ઉભી કરશે અને આપણા લોકો માટે વિકાસ અને સમૃદ્ધિને વેગ આપશે. યુએસ પક્ષે એ પણ સ્પષ્ટતા કરી છે કે અંતિમ ટેરિફ આંકડો 18% છે.”
વધુ વાંચો: મુંબઈ-પુણે એક્સપ્રેસ વે પર 32 કલાક પછી ટ્રાફિક ફરી શરૂ થયો
