વર્લ્ડ કપ 2024 માટે ભારતીય ટીમોની જાહેરાત,આ સ્ટાર ખેલાડીઓ સંભાળશે કેપ્ટનશિપની જવાબદારી
મુંબઈ:હોકી ઈન્ડિયાએ ઓમાનના મસ્કટમાં યોજાનાર આગામી FIH હોકી ફાઈવ્સ વર્લ્ડ કપ માટે ભારતીય ટીમની જાહેરાત કરી છે. હોકી ફાઇવ્સ વિમેન્સ વર્લ્ડ કપ 24 થી 27 જાન્યુઆરી દરમિયાન યોજાશે જ્યારે પુરુષોની સ્પર્ધા 28 જાન્યુઆરીથી 31 જાન્યુઆરી સુધી રમાશે.
હોકી ફાઇવ્સ વર્લ્ડ કપ માટે સિમરનજીત સિંહ અને રજની ઇતિમારપુ અનુક્રમે પુરૂષ અને મહિલા ટીમનું નેતૃત્વ કરશે.અનુભવી ગોલકીપર રજનીને મદદ માટે ડિફેન્ડર મહિમા ચૌધરી વાઇસ-કેપ્ટન હશે જ્યારે મનદીપ મોર પુરૂષ ટીમના વાઇસ-કેપ્ટન હશે. બંસરી સોલંકી મહિલા ટીમમાં બીજી ગોલકીપર હશે જ્યારે અક્ષતા આબાસો ઢેકાલે અને જ્યોતિ છત્રી ડિફેન્ડર હશે. મિડફિલ્ડરોમાં મારિયાના કુજુર અને મુમતાઝ ખાનનો સમાવેશ કરવામાં આવ્યો છે જ્યારે અઝમિના કુજુર, રૂતાજા દાદાસો પિસાલ અને દીપિકા સોરેંગ ફોરવર્ડ હશે.
ભારતીય મહિલાઓને નામીબિયા, પોલેન્ડ અને યુએસએ સાથે પૂલ સીમાં રાખવામાં આવી છે. હોકી ફાઇવ્સ વિમેન્સ વર્લ્ડ કપમાં કુલ 16 ટીમો ભાગ લેશે જેમાં પૂલ Aમાં ફિજી, મલેશિયા, નેધરલેન્ડ અને યજમાન ઓમાનનો સમાવેશ થાય છે જ્યારે ઓસ્ટ્રેલિયા, દક્ષિણ આફ્રિકા, યુક્રેન અને ઝામ્બિયા પૂલ Bમાં છે.પૂલ ડીમાં ન્યુઝીલેન્ડ, પેરાગ્વે, થાઈલેન્ડ અને ઉરુગ્વેનો સમાવેશ થાય છે. કોચ સૌંદર્યએ હોકી ઈન્ડિયાની એક પ્રેસ રીલીઝમાં જણાવ્યું હતું કે ટીમમાં એવા યુવા ખેલાડીઓનો સમાવેશ થાય છે જેમની પાસે પૂરતો આંતરરાષ્ટ્રીય અનુભવ છે અને હોકી ફાઈવ વર્લ્ડ કપ જેવી ટુર્નામેન્ટમાં રમવાના પડકારોની સમજ છે. અમે સારી રીતે તૈયાર છીએ.
ભારતને પૂલ બીમાં રાખવામાં આવ્યું છે અને તેને નોકઆઉટ રાઉન્ડમાં સ્થાન મેળવવા માટે ઇજિપ્ત, જમૈકા અને સ્વિટ્ઝર્લેન્ડ સામે રમવું પડશે. પૂલ Aમાં નેધરલેન્ડ, નાઇજીરીયા, પાકિસ્તાન અને પોલેન્ડ, પૂલ સીમાં ઓસ્ટ્રેલિયા, કેન્યા, ન્યુઝીલેન્ડ, ત્રિનિદાદ અને ટોબેગોનો સમાવેશ થાય છે, જ્યારે પૂલ ડીમાં ફિજી, મલેશિયા, ઓમાન અને યુનાઇટેડ સ્ટેટ્સનો સમાવેશ થાય છે.
