સંજય દત્ત બન્યા અરુણાચલ પ્રદેશના બ્રાન્ડ એમ્બેસેડર,CM પેમા ખાંડુનો માન્યો આભાર
- સંજય દત્ત બન્યા અરુણાચલ પ્રદેશના બ્રાન્ડ એમ્બેસેડર
- ‘મુન્નાભાઈ’એ CM પેમા ખાંડુનો માન્યો આભાર
- અનેક એડ ફિલ્મો દ્વારા યુવાનોને જાગૃત કરશે
હૈદરાબાદ :ભારતીય જનતા પાર્ટીની આગેવાની હેઠળની અરુણાચલ પ્રદેશ સરકારે બોલિવૂડ અભિનેતા સંજય દત્તને રાજ્યના બ્રાન્ડ એમ્બેસેડર તરીકે નિયુક્ત કર્યા છે. સંજય દત્ત ઉપરાંત સરકારે એવોર્ડ વિજેતા ફિલ્મ નિર્માતા અને બ્રાન્ડિંગ નિષ્ણાત રાહુલ મિત્રાને બ્રાન્ડ કન્સલ્ટન્ટ તરીકે સાઈન કર્યા છે. રાજ્યના નામકરણના 50માં વર્ષ નિમિત્તે સુવર્ણ જયંતિની ઉજવણી નિમિત્તે એક ભવ્ય સમારોહમાં સંજય દત્ત અને રાહુલ મિત્રાની હાજરીમાં મુખ્યમંત્રી પેમા ખાંડુ અને વિધાનસભાના અધ્યક્ષ પાસંગ સોના દ્વારા આ જાહેરાત કરવામાં આવી હતી. સમારોહમાં હાજરી આપવા માટે સંજય દત્ત અને રાહુલ મિત્રા પહેલા મુંબઈથી ચાર્ટર્ડ ફ્લાઈટમાં ડિબ્રુગઢ પહોંચ્યા, પછી ત્યાંથી હેલિકોપ્ટર દ્વારા મેચુકાની મનોહર ખીણમાં પહોંચ્યા, જ્યાં સુવર્ણ જયંતિની ઉજવણીનું આયોજન કરવામાં આવ્યું હતું. આ પ્રસંગને ચિહ્નિત કરવા માટે એક વિશાળ મીડિયા ઝુંબેશ શરૂ કરવામાં આવી હતી, જેની કલ્પના રાહુલ મિત્રા ફિલ્મ્સ દ્વારા કરવામાં આવી હતી અને ટોચની એડ ફિલ્મ નિર્માતા અને ડ્રમર શિરાઝ ભટ્ટાચાર્ય દ્વારા શૂટ કરવામાં આવી હતી.
અરુણાચલ પ્રદેશ પર્યટન માટે પ્રવાસીઓને ખાણીપીણી, એડ ફિલ્મો ઉપરાંત, સંજય દત્ત રાજ્યના યુવાનો સાથે વ્યસન મુક્તિ અભિયાન અને રાજ્યમાં ચિંતાનું કારણ બનેલા અન્ય મુખ્ય મુદ્દાઓ પર પણ પહેલ કરશે. રાજ્યના ઝીરો ગામ, પક્કે ઘાટી, દમ્બુક, નામસાઈ, પરશુરામ કુંડ, પાસીઘાટ, મેચુકા અને તવાંગમાં આવી એડ ફિલ્મોનું મોટા પાયે શૂટિંગ થઈ રહ્યું છે.
લગભગ એક મહિના સુધી ચાલેલા આ વિશેષ ઉત્સવની શરૂઆત 20 જાન્યુઆરી, 2022ના રોજ ઝીરોમાં થશે, જ્યારે રાજ્યના સ્થાપના દિવસના અવસરે 20 ફેબ્રુઆરીએ ઈટાનગરમાં સમાપન સમારોહ યોજાશે.તો, અભિનેતા સંજય દત્તને રાજ્યનો બ્રાન્ડ એમ્બેસેડર બનાવવામાં આવતા ખૂબ જ ખુશ છે. રાહુલ મિત્રા સાથે પોતાનો એક ફોટો શેર કરીને તેણે અરુણાચલ પ્રદેશ સરકાર અને મુખ્યમંત્રી પેમા ખાંડુનો આભાર માન્યો છે.
ફોટો શેર કરતા સંજયે કેપ્શનમાં લખ્યું- મને આ તક અને અરુણાચલનો બ્રાન્ડ એમ્બેસેડર બનાવવા બદલ અરુણાચલ પ્રદેશ સરકારનો આભાર. માનનીય મુખ્યમંત્રી પેમા ખાંડુ જી અને એસેમ્બલી સ્પીકર પાસંગ સોનાજી સાથે આ સન્માનજનક મુલાકાત રહી છે. મને ભારતીય હોવાનો વધુ ગર્વ ક્યારેય અનુભવાયો નથી. રાહુલ મિત્રા સાથે કામ કરવા માટે ઉત્સુક છું જે મારા માટે એક મહાન મિત્ર અને ભાઈ છે.
