1. Home
  2. ગુજરાતી
  3. દિલ્હી-NCRમાં ધીમીધારે વરસાદ, UP-ઉત્તરાખંડ-બિહારમાં પણ વરસાદ વરસશે
દિલ્હી-NCRમાં ધીમીધારે વરસાદ, UP-ઉત્તરાખંડ-બિહારમાં પણ વરસાદ વરસશે

દિલ્હી-NCRમાં ધીમીધારે વરસાદ, UP-ઉત્તરાખંડ-બિહારમાં પણ વરસાદ વરસશે

0

દિલ્હી:ગુરુવારે રાજધાની દિલ્હીના કેટલાક વિસ્તારોમાં સવારથી વરસાદ શરૂ થઈ ગયો છે. આજે આખો દિવસ વાદળછાયું વાતાવરણ રહેવાની અને ઝરમર ઝરમર વરસાદની શક્યતા છે. હવામાન વિભાગના જણાવ્યા અનુસાર આ અઠવાડિયે વાદળછાયું વાતાવરણ રહેશે અને વચ્ચે-વચ્ચે વરસાદની પ્રક્રિયા શરૂ રહેશે. વચ્ચે ભારે વરસાદની સંભાવના પણ રહેશે. હાલમાં આ સમયગાળા દરમિયાન તાપમાનમાં પણ ઘટાડો થશે.

IMD અનુસાર, બુધવારે લઘુત્તમ તાપમાન 25.1 ડિગ્રી સેલ્સિયસ અને મહત્તમ તાપમાન 34 ડિગ્રી સેલ્સિયસની આસપાસ નોંધાયું હતું. દિલ્હીના પ્રાથમિક હવામાન કેન્દ્ર સફદરજંગ ઓબ્ઝર્વેટરીમાં સપ્ટેમ્બરમાં અત્યાર સુધીમાં માત્ર 52.9 મીમી વરસાદ નોંધાયો છે, જે સામાન્ય 104.8 મીમી કરતા ઘણો ઓછો છે. ઓગસ્ટ મહિનામાં 41.6 મીમી વરસાદ નોંધાયો હતો, જે છેલ્લા 14 વર્ષમાં સૌથી ઓછો છે.1 જૂનથી ચોમાસાની શરૂઆત થઈ ત્યારથી દિલ્હીમાં કુલ 405.3 મીમી વરસાદ નોંધાયો છે.જ્યારે સામાન્ય રીતે આ સમયગાળા દરમિયાન રાજધાનીમાં 621.7 મીમી વરસાદ નોંધાય છે. આ સાથે જ હવામાન વિભાગે દેશના રાજ્યોમાં ભારે વરસાદનું એલર્ટ જાહેર કર્યું છે.

ઉત્તરાખંડમાં હવામાન વિભાગે ફરી એકવાર વરસાદનું યલો એલર્ટ જાહેર કર્યું છે.રાજ્યમાં 24 સપ્ટેમ્બર સુધી સતત વરસાદની શક્યતા છે.IMDએ 22 સપ્ટેમ્બરે ઘણા જિલ્લાઓમાં ભારે વરસાદની આગાહી કરી છે.દેહરાદૂન, ટિહરી, બાગેશ્વર અને પિથોરાગઢ જિલ્લામાં પણ છૂટાછવાયા સ્થળોએ ભારે વરસાદ પડી શકે છે.

બિહારમાં છેલ્લા કેટલાક દિવસોથી વરસાદ પડી રહ્યો છે.હવામાન વિભાગના જણાવ્યા અનુસાર બિહારમાં આગામી કેટલાક દિવસો સુધી ચોમાસું સક્રિય રહેશે.પટના સહિત અનેક વિસ્તારોમાં ભારે વરસાદ થશે.વરસાદની સાથે વાવાઝોડાને લઈને ચેતવણી પણ આપવામાં આવી છે.

હવામાન વિભાગના જણાવ્યા અનુસાર ઉત્તર પ્રદેશમાં ભારે વરસાદને લઈને રાજ્યના 37 જિલ્લાઓમાં યલો એલર્ટ જારી કરવામાં આવ્યું છે. હવામાન વિભાગે યુપીના બાંદા, ચિત્રકૂટ, કૌશામ્બી, પ્રયાગરાજ, ફતેહપુર, પ્રતાપગઢ, સોનભદ્ર, મિર્ઝાપુર, ચંદૌલી, વારાણસી, સંત કબીર નગર, જૌનપુર, ગાઝીપુર, આઝમગઢ, મઉ, બલિયા, દેવરિયા, ગોરખપુર, કુશીનગર,કાનપુર દેહાત,કાનપુર શહેર, ઉન્નાવ, લખનઉ, બારાબંકી, રાયબરેલી, અમેઠી, સુલતાનપુર, અયોધ્યા, આંબેડકર નગર, આગ્રા, ઈટાવા, ઔરૈયા, જૌનપુર, હમીરપુર, મહોબા, ઝાંસી અને લલિતપુર જિલ્લામાં ભારે વરસાદની આગાહી કરવામાં આવી છે.

 

tags:

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code