નવી દિલ્હીઃ પ્રધાનમંત્રી નરેન્દ્ર મોદી અને ડેનિશ પ્રધાનમંત્રી મેટ્ટે ફ્રેડરિકસેન વચ્ચે ટેલિફોન પર વાતચીત થઈ. બન્ને નેતાઓએ દ્વિપક્ષીય સંબંધો તેમજ વૈશ્વિક વિકાસના વિવિધ પાસાઓ પર ચર્ચા કરી. સોશિયલ મીડિયા હેન્ડલ X પર એક પોસ્ટમાં, પીએમ મોદીએ કહ્યું કે આજે પ્રધાનમંત્રી મેટ્ટે ફ્રેડરિકસેન સાથે વાત કરીને આનંદ થયો. ભારત-ડેનમાર્ક ગ્રીન સ્ટ્રેટેજિક પાર્ટનરશિપ અને આપણા લોકોના લાભ માટે વિવિધ ક્ષેત્રોમાં સહયોગ વધારવા માટે અમારા મજબૂત સમર્થનની પુષ્ટિ કરી.
પ્રધાનમંત્રી કાર્યાલય (PMO) અનુસાર, 2020માં ગ્રીન સ્ટ્રેટેજિક પાર્ટનરશિપ શરૂ થયા પછી બન્ને દેશો વચ્ચે ઉચ્ચ-સ્તરીય આદાનપ્રદાનને યાદ કરતા, પીએમ મોદી અને ડેનિશ પીએમ ફ્રેડરિકસેને વિવિધ ક્ષેત્રોમાં ગ્રીન સ્ટ્રેટેજિક પાર્ટનરશિપના વિસ્તરણની નોંધ લીધી જેણે ભારતમાં ડેનિશ રોકાણો માટે ગ્રીન ટ્રાન્ઝિશનમાં યોગદાન આપવા માટે અનુકૂળ પરિસ્થિતિઓ બનાવી છે.
આ ઉપરાંત, બંને નેતાઓએ ગઈકાલે પરસ્પર હિતના પ્રાદેશિક અને વૈશ્વિક મુદ્દાઓ પર પણ ચર્ચા કરી હતી. તમને જણાવી દઈએ કે, બંને નેતાઓ આગામી ભારત-નોર્ડિક સમિટના પ્રસંગે નોર્વેમાં તેમની મુલાકાતને લઈને ઉત્સાહિત છે. વાતચીત દરમિયાન, પ્રધાનમંત્રી મોદીએ કહ્યું કે તેઓ આ વર્ષના અંતમાં નોર્વેમાં યોજાનારી ત્રીજી ભારત-નોર્ડિક સમિટ અને તે સમયે પ્રધાનમંત્રી મેટ્ટે ફ્રેડરિકસેનને મળવાની રાહ જોઈ રહ્યા છે.
ટ્વિટર પર આ શેર કરતા પીએમ મોદીએ કહ્યું કે આજે તેમને પ્રધાનમંત્રી મેટ્ટે ફ્રેડરિકસેન સાથે વાત કરીને આનંદ થયો. ભારત-ડેનમાર્ક ગ્રીન સ્ટ્રેટેજિક પાર્ટનરશિપ અને આપણા લોકોના લાભ માટે વિવિધ ક્ષેત્રોમાં સહયોગ વધારવા માટે અમારા મજબૂત સમર્થનની પુષ્ટિ કરી. અમે પરસ્પર હિતના પ્રાદેશિક અને વૈશ્વિક વિકાસની પણ ચર્ચા કરી.