Nationalગુજરાતી

સરકારી વેબસાઇટમાં જ POKને આઝાદ પ્રદેશ ગણાવાયો, AAIBના રિપોર્ટમાં ગરબડ

  • સરકારી વેબસાઇટ પર જ જોવા મળ્યા છબરડા
  • સરકારી વેબસાઇટ પર POKને આઝાદ જમ્મૂ કાશ્મીર તરીકે રજૂ કરાયું
  • સોશિયલ મીડિયામાં હોબાળા બાદ આ રિપોર્ટ પાછો ખેંચવો પડ્યો

નવી દિલ્હી: સામાન્યપણે સરકારી રિપોર્ટ્સમાં કે દસ્તાવેજોમાં POKને એ જ યથાસ્વરૂપે દર્શાવાતો હોય છે, પરંતુ તાજેતરમાં એક સરકારી વેબસાઇટ પર POKને આઝાદ જમ્મૂ કાશ્મીર તરીકે રજૂ કરાયો હતો. આ મુદ્દે સોશિયલ મીડિયા પર હોબાળો મચ્યા બાદ આ રિપોર્ટ પાછો ખેંચી લેવો પડ્યો હતો.

પ્રાપ્ત વિગતો અનુસાર, એરક્રાફ્ટ એક્સિડંટ ઇન્વેસ્ટિગેશન બ્યૂરોની વેબસાઇટ પર POKને આઝાદ જમ્મૂ કાશ્મીર તરીકે રજૂ કરાયો હતો. આ રિપોર્ટમાં જુલાઇ 2019 સુધી થયેલા વિમાની અકસ્માતોની વિગતો હતી. આ સમયગાળા દરમિયાન વિસ્તારા એરલાઇન્સની એક ફ્લાઇટ શ્રીનગરથી જમ્મૂ જઇ રહી હતી. પ્રતિકૂળ હવામાનને કારણે પાયલટને ઇમર્જન્સીમાં જરૂર પડ્યે વિમાનમાં પૂરતું ઇંધણ નહીં હોવાની જાણ એર ટ્રાફિક કન્ટ્રોલ ટાવરને કરી હતી.

આ ઘટના બાદ આ અંગે AAIBએ પોતાનો રિપોર્ટ વેબસાઇટ પર મૂક્યો હતો. આ રિપોર્ટમાં AAIBએ પીઓકેને આઝાદ જમ્મૂ કાશ્મીર તરીકે વર્ણવ્યો હતો. સોશિયલ મીડિયા પર આ મુદ્દે વિવાદની લાગણી ફરી વળી હતી. હોબાળા બાદ AAIBએ આ રિપોર્ટ પાછો ખેંચવો પડ્યો હતો. સરકારી વેબસાઇટ જ પીઓકેના મુદ્દે આ પ્રકારના છબરડા કરે તો સામાન્ય વ્યક્તિની શી વિસાત. અહીં મહત્વપૂર્ણ મુદ્દો એ છે કે શ્રીનગરથી જમ્મૂ તરફ જતી કોઇ ફ્લાઇટ પીઓકે પરથી પસાર થવાનો સવાલ જ ઉપસ્થિત ના થાય. આ રીતે વિચારીએ તો આ રિપોર્ટ ગંભીર ભૂલ કહી શકાય.

(સંકેત)

Related posts
Nationalગુજરાતી

કૃષિ કાયદાનો અમલ દોઢ વર્ષ મોકૂફ રાખવા સરકારનો પ્રસ્તાવ

કૃષિ કાયદાને દોઢ વર્ષ મોકૂફ રાખવાનો કેન્દ્રનો પ્રસ્તાવ જો કે ખેડૂતોએ કહ્યું કે અમે અન્ય સંગઠનો સાથે ચર્ચા વિચારણા કરીશું આગામી બેઠક…
Nationalગુજરાતી

મધ્યપ્રદેશમાં 3 હજાર કરોડનું ઇ-ટેન્ડર મની લોન્ડરિંગ કૌભાંડનો પર્દાફાશ: 2ની ધરપકડ

ભારતમાં કૌંભાડો હવે સામાન્ય બન્યા મધ્યપ્રદેશમાં 3 હજાર કરોડના ઇ-ટેન્ડર મની લોન્ડરિંગ કૌંભાડનો પર્દાફાશ આ કેસમાં એન્ફોર્સમેન્ટ ડિરેક્ટોરેટે 2 લોકોની કરી ધરપકડ…
Nationalગુજરાતી

બજેટ 2021: સરકાર ઇલેક્ટ્રોનિક વસ્તુઓ સહિતની અન્ય વસ્તુઓ પર આયાત શુલ્ક વધારી શકે

ફેબ્રુઆરી મહિનામાં આગામી બજેટ રજૂ થશે આ વખતે સરકાર ઇલેક્ટ્રોનિક સહિતની વસ્તુઓ પર આયાત શુલ્ક વધારી શકે આયાત શુલ્ક વધારવાનો આ નિર્ણય…

Leave a Reply