રાષ્ટ્રીય સુરક્ષા સલાહકાર અજીત ડોભાલે તેમના ઈરાની સમકક્ષ અલી શામખાની સાથે કરી વાતચીત
- રાષ્ટ્રીય સુરક્ષા સલાહકાર અજીત ડોભાલે ઈરાની સમકક્ષ સાથે મુલાકાત
- અજીત ડોભાલે અલી શામખાની સાથે વાતચીત કરી
દિલ્હીઃ- NSA અજીત ડોભાલ અને તેમના ઈરાની સમકક્ષ અલી શમખાનીએ સોમવારે તેહરાનમાં ચાબહાર બંદરના વિકાસ, અફઘાનિસ્તાનની સ્થિતિ અને દ્વિપક્ષીય વેપાર-આર્થિક જોડાણ પર ધ્યાન કેન્દ્રિત કરીને વ્યાપક વાટાઘાટો કરી હતી. રાષ્ટ્રીય સુરક્ષા સલાહકાર ઈરાનની એક દિવસીય મુલાકાતે હતા.. આ દરમિયાન, તેઓએ રાજકીય, સુરક્ષા, દ્વિપક્ષીય અને બહુપક્ષીય આર્થિક મુદ્દાઓ તેમજ તેમની પોતાની કરન્સીમાં વેપારની શક્યતાઓ પર ચર્ચા કરી. હોવાની માહિતી સામે આવી છે.
વિગત પ્રમાણે બંને પક્ષોએ અફઘાનિસ્તાનમાં માનવતાવાદી અને આર્થિક સંકટ પર ચિંતા વ્યક્ત કરી અને કાબુલમાં સર્વસમાવેશક સરકારની રચનાની તેમની માંગનો પુનરોચ્ચાર પણ કર્યો હતો.આ સહીત બન્ને સમક્ષોે વચ્ચે અનેક બબાતે ચર્ચા થઈ જેમાં તેમણે ટ્રાન્ઝિટ રોડને “પ્રાદેશિક એકીકરણ અને સામૂહિક સમૃદ્ધિમાં એક મહત્વપૂર્ણ તત્વ” પણ ગણાવ્યું હતું અને ચાબહાર બંદરમાં ભારતના રોકાણને ઉદાહરણ તરીકે ટાંક્યું હતું.
નવી દિલ્હી અને તેહરાન ચાબહાર પોર્ટ પ્રોજેક્ટના ઝડપી અમલીકરણ પર ધ્યાન કેન્દ્રિત કરી રહ્યા છે, જેમાં ભારત અને ઈરાન બંને માટે મુખ્ય પરિવહન હબ તરીકે બંદરના વિકાસનો સમાવેશ થાય છે.ગયા મહિને, ઈરાનના રાજદૂત ઈરાજ ઈલાહીએ પણ ચાબહાર પોર્ટ પ્રોજેક્ટના ઝડપી અમલીકરણના મહત્વ પર ભાર મૂક્યો હતો અને સૂચન કર્યું હતું કે પ્રોજેક્ટનું મહત્વ આર્થિક દ્રષ્ટિકોણથી ઘણું આગળ છે.
બન્ને દેશઓના સંયુક્ત નિવેદનમાં, બંને પક્ષોએ ટ્રાન્ઝિટ રોડ, ખાસ કરીને ઇન્ટરનેશનલ નોર્થ સાઉથ ટ્રાન્ઝિટ કોરિડોરને અપગ્રેડ કરવા માટે રશિયા, અન્ય મધ્ય એશિયાઈ દેશો અને કાકેશસ ક્ષેત્રના દેશો સાથે સહયોગ વધારવાની જરૂરિયાત અંગે ચર્ચા કરી છે.
