નિર્માણધીન અમદાવાદ-ધોલેરા એક્સપ્રેસ-વેની કામગીરીનું નીતિન ગડકરીએ નિરીક્ષણ કર્યું

અમદાવાદઃ ગુજરાતની મુલાકાતે કેન્દ્રીય માર્ગ પરિવહન અને ધોરીમાર્ગ મંત્રી નીતિન ગડકરી આવ્યા હતા. આ દરમિયાન તેમણે અમદાવાદ-ધોલેરા એક્સપ્રેસ વે (પેકેજ 1)ની પ્રગતિનું નિરીક્ષણ કર્યું હતું. આ 109 કિલોમીટર લાંબો ગ્રીનફિલ્ડ કોરિડોર કુલ ₹4200 કરોડના ખર્ચે વિકસાવવામાં આવી રહ્યો છે.

અમદાવાદ અને ધોલેરાને જોડવા અને ધોલેરાના કેટલાક સ્પેશિયલ ઇન્વેસ્ટમેન્ટ ઝોનને અમદાવાદ સાથે જોડવા માટે એક મહત્વપૂર્ણ માર્ગ તરીકે કામ કરશે. આ એક્સપ્રેસ વે અમદાવાદ અને ધોલેરા વચ્ચે હાઇ સ્પીડ મુસાફરીને સક્ષમ બનાવશે અને મુસાફરીનો સમય લગભગ 1 કલાક (હાલમાં 2.25 કલાકથી) ઘટાડશે. ધોલેરા ખાતેના એરપોર્ટને પણ સીધી કનેક્ટિવિટી પૂરી પાડશે. આ માર્ગ સરખેજને ધોલેરા ઈન્ટરનેશનલ એરપોર્ટ દ્વારા નવાગામ અને ધોલેરા સ્પેશિયલ ઈન્વેસ્ટમેન્ટ રિજન (SIR) નજીક સરદાર પટેલ રિંગ રોડને જોડે છે. આ એક્સપ્રેસ વે અમદાવાદ અને ધોલેરામાં ઔદ્યોગિક પ્રવૃત્તિઓને વેગ આપવા માટે પણ મદદરૂપ સાબિત થશે.

કેન્દ્રીય મંત્રી નીતિન ગડકરી હવાઈ માર્ગે અમદાવાદ આવ્યાં હતા. તેમનું એરપોર્ટ ઉપર સ્વાગત કર્યું હતું. આ ઉપરાંત તેમણે સરકારના નેતાઓ અને અધિકારીઓ સાથે ચર્ચા કરી હતી.