- ઉત્તરાખંડ અને હિમાચલ પ્રદેશના ફરવાલાયક સ્થળો
- ફરવા જશો તો પરત આવવાનું નહીં થાય મન
ફરવાનો શોખ તો મોટા ભાગના લોકોને હોય જ, અને આપણા દેશમાં તો ફરવા માટે અનેક જગ્યા છે જે સ્થળનું કુદરતી સૌંદર્ય એટલું સરસ હોય છે કે પરત ફરવાનું મન ન થાય. આવા જ સ્થળોમાં ઉત્તરાખંડ અને હિમાચલ પ્રદેશના પણ કેટલાક સ્થળો એવા છે જ્યાં કુદરતી સૌંદર્ય અદભૂત છે અને મન ખુશ કરી તેવું છે.
ભીમટાલ કે જે ઉત્તરાખંડમાં આવેલું છે તે સ્થળ સમુદ્ર સપાટીથી 1370 મીટરની ઉંચાઈ પર સ્થિત છે. આ સ્થળ કેમ્પિંગ માટે ઉત્તમ સ્થળ છે. ભીમેશ્વર મહાદેવ મંદિરજે ભગવાન શિવને સમર્પિત પ્રાચીન મંદિરો સાથેનું સુંદર ભીમતાલ તળાવ સ્થળનું પ્રાથમિક આકર્ષણ છે. આ ઉપરાંત ઉત્તરાખંડમાં ફૂલોની ખીણ ગઢવાલ હિમાલયમાં 88 ચોરસ કિલોમીટરમાં ફેલાયેલી છે, અને તે પોતાના આલ્પાઇન છોડ માટે પ્રખ્યાત છે. આ સ્થળ તેની પ્રાકૃતિક સુંદરતા માટે જાણીતું છે, આ સ્થળ ઘાસના મેદાનો, ધોધ અને વનસ્પતિ અને પ્રાણીસૃષ્ટિની વિવિધતાઓથી સુશોભિત છે.
હિમાચલ પ્રદેશમાં આવેલું ધર્મશાળા પણ કુદરતી રીતે સુંદર જગ્યા છે અને ત્યાં કેમ્પિંગ તમને બહારનો અનુભવ કરવા માટે ઘણા વિકલ્પો આપે છે. કાંગડા જિલ્લાની પહાડીઓમાં વસેલું આ હિલ સ્ટેશન કુદરતી સૌંદર્ય માટે જાણીતું છે. પૃષ્ઠભૂમિમાં બરફથી ઢંકાયેલ ધૌલાધર પર્વતમાળા સાથે, ધર્મશાળા હિમાલયના ઘણા ટ્રેકિંગ માર્ગોના પ્રવેશદ્વાર તરીકે પણ ઓળખાય છે. મુલાકાતીઓમાં સૌથી પ્રખ્યાત ટ્રેક ટ્રાયન્ડ ટ્રેક છે, જે ટ્રાયન્ડ પીક સુધી પહોંચવામાં લગભગ પાંચ કલાકનો સમય લે છે, જ્યાં તમે તમારો ટેન્ટ ગોઠવી શકો છો અને તમારા જીવનનો શ્રેષ્ઠ કેમ્પિંગ અનુભવ મેળવી શકો છો.
